AM | RU
USD
EUR
RUB

Թուրքիան կոպտորեն խախտեց հայ համայնքի ներքին ինքնավարությունը՝ միջամտելով կրոնական գործերին. Ռուբեն Մելքոնյան

Թուրքիան, կոպտորեն խախտելով հայ համայնքի ներքին ինքնավարությունը, միջամտեց կրոնական գործերին, և դա արեց բավական բացահայտ կերպով:

Այս մասին «Արմենպրես»-ի մամուլի սրահում հրավիրված ասուլիսում նշեց թուրքագետ Ռուբեն Մելքոնյանը` անդրադառնալով Պոլսո Հայոց պատրիարքարանի Կրոնական ժողովի որոշմանը, ըստ որի, Արամ արքեպիսկոպոս Աթեշյանը կշարունակի պաշտոնավարել որպես պատրիարքական փոխանորդ: Ռուբեն Մելքոնյանի խոսքով՝ այս գործընթացում մի շարք հարցականներ դեռ շարունակում են մնալ: Նախ՝ հայտնի չէ` Գարեգին Բեքչյանը հրաժարական տվե՞լ է, թե ոչ, գրավոր դիմում եղե՞լ է, թե ոչ: Բացի այդ՝ իրավական առումով հայտնի չէ՝ փոխանորդին ընտրո՞ւմ են, թե նշանակում:

«Չի էլ թաքցվում, որ թուրքական իշխանություններն ունեն կոնկրետ նախընտրելի թեկնածու, որն Արամ արքեպիսկոպոս Աթեշյանն է: Երկու կողմերն էլ հայտարարում են, որ մտերիմ են: Այստեղ չի քննարկվում` արդյոք հայ հավատացյալների, համայնքի կարծիքը որևէ նշանակություն ունի՞, թե ոչ: Հայ համայնքը ի վերջո ինչպիսի՞ դիրքորոշում ունի, դա անգամ որպես գործոն չի ներկայացվում: Կարևորվում է միայն թուրքական իշխանության դիրքորոշումը: Այս ամբողջ ընթացքում միշտ շեշտվում էր նահանգապետի, Ներքին գործերի նախարարի, Էրդողանի կարծիքը, բայց որևէ անգամ չէր շեշտվում Մայր Աթոռի դիրքորոշումը: Նույնիսկ արվում էին վիրավորական շեշտադրումներ, Գարեգին Բեքչյանին անվանում էին այսպես կոչված տեղապահ, մինչդեռ նրան Ամենայն Հայոց կաթողիկոսն ընդունել է, շնորհավորել է»,-ասաց Ռուբեն Մելքոնյանը: Նա հռետորական հարց հնչեցրեց` դա, ի վերջո, Էրդողանի կամ Թուրքիայի՞ պատրիարքությունն է, թե՞ Հայ առաքելական եկեղեցու:

Թուրքագետը նկատեց, որ այս ամենի հետևանքով ամենամեծ հարվածը հասցվում է հայ համայնքին, հավատացյալներին, ովքեր ապրում են խորը հիասթափություն, հեռանում պատրիարքությունից: Սա լուրջ հարված է նաև հայկական ինքնությանը, քանի որ Հայոց պատրիարքությունն այն կարևոր առանցքն է, որի շուրջ համախմբվում է Թուրքիայի հայությունը: Նա նկատեց, որ ավելացել է Ստամբուլի հայ համայնքից արտագաղթած հայերի թիվը: Պատրիարքարանի շուրջ ձևավորված նոր զարգացումները, ըստ նրա, հանգեցնելու են նաև արտագաղթի ալիքի մեծացմանը:

«Շատերի մոտ հիասթափություն կա նաև հոգևորականներից, քանի որ այդ նույն հոգևորականները, որ ոգևորությամբ ընտրեցին Գարեգին Բեքչյանին, մի քանի օր առաջ պարտադրանքով ընտրեցին Աթեշյանին: Նա նկատեց, որ թուրքահայ համայնքն ընդհանրապես հայտնի է իր ոչ համարձակ պահվածքով, այդ մթնոլորտը ձևավորվել է դարերի ընթացքում: Իհարկե, այսօր կային այդ համարձակության սաղմերը, ինքնուրույնության փորձերը, սակայն միտումնավոր այնպիսի քաղաքականություն է տարվում, որ դրանք ոչնչացվեն:

Ապագայի կանխատեսումներ անելով՝ Ռուբեն Մելքոնյանը նշեց, որ հայ համայնքի ակտիվ հատվածն անպայման շարունակելու է պայքարը, բայց անհամեմատ ավելի վատ մեկնարկային պայմաններում: Կարող են լինել նաև առանձին անհնազանդության, եկեղեցուց հեռացման դրսևորումներ: Նրա խոսքով՝ շատ է խոսվում այն մասին, որ սա Թուրքիան է, այստեղ պետք է զուսպ լինել:

«Իհարկե, սա, հատկապես թուրքագետների համար, շատ հասկանալի է, ընկալելի, որ ըմբոստությունը պետք է լինի չափի մեջ, բայց մենք ունենք նախադեպեր՝ նախորդ պատրիարքները գտել են մեխանիզմներ՝ ըմբռնելի սահմաններում հայտարարություններ ու քայլեր անելու: Մեր ժամանակներն ավելի շատ կարիք ունեն ըմբոստ, մի փոքր տարբերվող հոգևորականների, ինչպես օրինակ Ստամբուլի Հունաց պատրիարքն է, Հռոմի պապը»,- ասաց նա:

Այն հարցին, թե արդյո՞ք Մայր Աթոռը որևէ կերպ պիտի արձագանքի այս պարագայում, Ռուբեն Մելքոնյանը նշեց, որ իրավական, եկեղեցական օրենքների խախտումների այս թնջուկը պետք է հստակ գնահատականի արժանանա Էջմիածնի կողմից:

«Հերթապահ, ԵԱՀԿ Մինսկի խմբի համանախագահների հայտարարությունների ոճի տեքստերն այնքան էլ ճիշտ չեն լինի, զգուշավորության, հապաղելու պատճառով ունեցանք այն, ինչ ունեցանք: Կարծում եմ, որ Մայր Աթոռի հայտարարությունը կլինի սթափեցնող հանգամանք, որը մեծ ազդեցություն կունենա հետագա զարգացումների վրա: Ի վերջո, այդ հիասթափված հայերը, չունենալով առանցք, ի դեմ Պոլսահայոց պատրիարքության, ավելի ուշադիր լսելու են Մայր Աթոռից եկող ազդակները»,- ասաց նա:

Լրահոս
Կարեն Ղահրամանյանը նշանակվել է Էներգետիկ ենթակառուցվածքների և բնական պաշարների փոխնախարար Հայ-լիբանանյան բարեկամության շառավիղը ձգվում է Անթիլիասից, Բուրջ Համուդից ու Այնճարից մինչև Երևանի սրտում գտնվող Բեյրութի փողոց Նիդերլանդների խորհրդարանի քննարկումները կասկած չեն թողնում Հայոց ցեղասպանության բանաձևերի ընդունման հարցում Մինսկում կայացել է Ղարաբաղյան շարժման 30-ամյակին նվիրված միջոցառում Դավիդ Յուրչենկոն շատ է ցանկանում հանդես գալ Հայաստանի ազգային հավաքականում. ՀՖՖ Լիբանանցիները Հայաստանը սիրում են տեղի հայ համայնքի միջոցով և անպայման ցանկանում են տեսնել այն Մադագասկարի նախագահը հոկտեմբերի կայցելի Հայաստան. վարչապետն ընդունել է Մադագասկարի ԱԳ նախարարին Ադրբեջանում ԵԱՀԿ/ԺՀՄԻԳ առաքելության և քաղհասարակության ներկայացուցիչների հանդիպմանն անդրադարձել են ԶԼՄ-ների նկատմամբ ճնշումներին Նորաբաց օդային ռոբոտատեխնիկայի հետազոտական կենտրոնում իրականացվելու են անօդաչու սարքերի հետ կապված գիտահետազոտական աշխատանքներ Արմեն Սարգսյան․ Շատ լավ տեղյակ եմ, թե ինչ է կատարվում Հայաստանում Սոցօգնությունների կրճատումը խոշորացված համայնքներում Սումգայիթում հայերի ջարդերի նախաձեռնողները իրենց նպատակին չեն հասել, որովհետև Արցախն ազատագրվել է Ալեքսանդր Նևզորովն անդրադարձել է իր անվան շուրջ Ադրբեջանում բարձրացած վայնասունին ՀՀ ՔԿ-ն քրգործ է հարուցել ժամկետային զինծառայող Ստեփան Ստեփանյանի մահվան դեպքի առթիվ ՀՀ խորհրդարանի ՀՀԿ եւ ՀՅԴ խմբակցություններն առաջադրել են բարձրագույն դատական խորհրդի հինգ անդամներին Բաքուն չի քաշվում աղավաղել անգամ ԵՄ սկզբունքային մոտեցումը. ՀՀ ԱԳ նախարարը՝ ԵՄ հատուկ ներկայացուցչին Խորհրդարանը քննարկելու է հայերի նկատմամբ Ադրբեջանի ոճրագործությունների դատապարտման մասին հայտարարության նախագիծ Նախագահ Սերժ Սարգսյանը այցելել է ՀԱՊՀ օդային ռոբոտատեխնիկայի ուսումնահետազոտական կենտրոն Ալեքսանդր Մանասյանը կարևորում է ադրբեջանահայերի կոտորածների իմաստավորումը Հայոց ցեղասպանության համատեքստում 50-ից ավելի մարդ Է հրդեհներից զոհվել չինական Նոր տարվա տոնակատարության շրջանում Գագիկ Հարությունյանը կարծում է, որ ՀՀ 4-րդ նախագահը պետք է ընտրվի Խորհրդարանի կողմից Գալուստ Սահակյանի երազանքը Պուտինը մտադիր չէ ԼՂ հակամարտության համար պատասխանատվություն ստանձնել. Թոմաս դե Վաալ Կառավարությունը շարունակում է գարնանացան ցորենի արտադրության զարգացման ծրագիրը «Ադրբեջանից արդեն ինքնասպանության հոտ է գալիս». փորձագետները նշում են ինքնասպանությունների թվի աճի հիմնական պատճառները ՀՀ ԱՆ-ն նպատակ ունի 12 տարում մեկ երրորդով կրճատել առավել տարածված ոչ վարակիչ հիվանդություններից մահացության ցուցանիշը Սուրեն Կարայանը Համաշխարհային բանկի առաքելության հետ քննարկել է ընթացիկ ծրագրերը Կարեն Կարապետյանն աշխատանքային ճաշ է ունեցել Լիբանանի նախագահի հետ Արցախի նախագահը հետմահու պարգևատրել է զոհված զինծառայողին Արցախում զինծառայող է զոհվել «Երկիր Ծիրանի» խմբակցության ղեկավարի ուղարկած դիմում-բողոքը ուղարկվել է Քննչական կոմիտե Իվետա Տոնոյանը վստահեցնում է՝ Գագիկ Ծառուկյանը իրեն որևէ պաշտոնից չի հեռացրել Սովորական ցավազրկող գնելու հետ կապված խնդիր չի լինելու. ԱՆ ներկայացուցիչ Հայաստանի և Լիբանանի նախագահները համակարծիք են՝ Մերձավոր Արևելքի ճգնաժամերը պետք է ունենան խաղաղ լուծումներ Իրանում պարսկերենը կատարելագործած հայաստանցի ասպիրանտներն ու ուսանողները գոհ են վերադարձել երկշաբաթյա կուրսից Էկոլոգիական կրթության գաղափարը կարմիր գծի նման տանելու ենք. Արծվիկ Մինասյան Աշոտ Մանուկյանն ընդունել է «Քոնթուր Գլոբալ» ընկերության ներկայացուցիչներին Ադրբեջանը ծրագրել էր հայ ժողովրդի ջարդերը սկսել Ստեփանակերտից. Արցախի ԱԺ պատգամավոր Արզիկ Մխիթարյանը նոր մանրամասներ ներկայացրեց Լիբանանը Հայաստանի կողքին է իր ժողովրդի խաղաղության իրավունքները պաշտպանելիս. նախագահ Աուն Ադրբեջանական ֆաշիզմը իր դաժանությամբ գերազանցում է հիտլերյան ֆաշիզմին
Խմբագրի ընտրություն
website by Sargssyan