Ադրբեջանի նախագահական ընտրությունները եղել են անազատ. ԱՄՆ Հելսինկյան կոմիտե
Նմանատիպ
ԱՄՆ հելսինկյան կոմիտեն քննադատել է Ադրբեջանում ապրիլի 11-ին կայացած նախագահական ընտրությունները:
Այս մասին հայտնում է ադրբեջանական «Թուրան» լրատվական գործակալությունը:
«Ադրբեջանում նախագահական ընտրություններն անցել են ազատ ընտրության հնարավորության և անկախ մամուլի բացակայության պայմաններում: Բացի այդ, ազատ չեն արձակվել նաև 100-ից ավելի քաղբանտարկյալները»,-նշված է կոմիտեի հայտարարության մեջ: Այդտեղ ասվում է նաև, որ իրական ժողովրդավարությունն Ադրբեջանի նախագահից պահանջում է հարգել իր իսկ պարտականությունները և իրականացնել իրական ընտրություններ:
«Ճիշտ է, ԵԱՀԿ դիտորդներին թույլատրվել է իրականացնել իրենց առաքելությունը, սակայն իրական ժողովրդավարությունն Ադրբեջանի նախագահից պահանջում է հարգել իր իսկ պարտականությունները և անցկացնել իրական ընտրություններ»,-նշված է հայտարարության մեջ:
ԵԱՀԿ-ն արձանագրել է, որ ընտրությունների օրը նկատվել են պարտադիր ընթացակարգերի լայնածավալ խախտումներ, թափանցիկության բացակայություն, բազմաթիվ լուրջ խախտումներ: Քվեաթերթիկների հաշվարկի ընթացքում մտադրված կերպով զեղծարարություններ են արվել:
«Բազմակարծության, այդ թվում և լրատվամիջոցների շրջանում, բացակայության պայմաններում ընտրությունների ընթացքում չի եղել իրական մրցակցություն: Մյուս թեկնածուները զերծ մնացին գործող նախագահին ուղղակիորեն մարտահրավեր նետելուց կամ քննադատելուց, տարբերակում չի եղել նրա քարոզարշավի ու պաշտոնական գործունեության միջև»,- ասվում է ԵԱՀԿ հայտարարության մեջ:
Հետևեք մեզ նաև Telegram-ում