Վազգեն Սարգսյանի անվան ռազմական համալսարանի 33 ունկնդիրներ լեյտենանտի կոչումով կմեկնեն ծառայության
02/08/2018 17:36
Նմանատիպ
ԵՐԵՎԱՆ, 2 ՕԳՈՍՏՈՍԻ, Times.am: Վազգեն Սարգսյանի անվան ռազմական համալսարանում օգոստոսի 2-ին տեղի է ունեցել 2.5-ամյա ուսումնական ծրագրի շրջանավարտների երդմնակալության հանդիսավոր արարողությունը։ Այս մասին ասված է ՀՀ պաշտպանության նախարարության տեղեկատվության և հասարակայնության հետ կապերի վարչության տարածած հաղորդագրությունում:
Միջոցառմանը ներկա է եղել պաշտպանության նախարարի տեղակալ Գաբրիել Բալայանը:
«33 ունկնդիրները քաղաքացիական բուհերում սովորելու ընթացքում նաև հաճախել են ռազմական համալսարան և սպայական կրթություն ստացել։
Առաջիկա օրերին նորակոչ լեյտենանտները վիճակահանությամբ կընտրեն իրենց մշտական տեղակայման վայրն ու կմեկնեն զորամասեր՝ ղեկավարելու առաջնագծում մարտական հերթապահություն իրականացնող ստորաբաժանումներ»,- ասված է հաղորդագրությունում:
Հետևեք մեզ նաև Telegram-ում