«Իրատես». Իշխանություններն ամեն ինչ անում են, որպեսզի ՀՀԿ-ն պառլամենտ չմտնի, չխանգարի իրենց «աշխատել»

«Իրատես». Իշխանություններն ամեն ինչ անում են, որպեսզի ՀՀԿ-ն պառլամենտ չմտնի, չխանգարի իրենց «աշխատել»

«Իրատես» թերթը գրում է. «Քարոզարշավի վերջին շաբաթն անչափ առատ է եղել իշխանությունների կողմից թիրախավորված քրեական գործեր հարուցելու տոտալ «ջանքերով»։ Իշխանություններն ամեն ինչ անում են, որպեսզի ՀՀԿ-ն պառլամենտ չմտնի, չխանգարի իրենց «աշխատել»։ Օրվա վարչախումբը հեռուն գնացող նպատակներ ունի, որոնք առաջին հերթին առնչվում են սահմանադրական փոփոխություններին, նախագահական համակարգին վերադառնալուն (և ոչ միայն), իսկ այդ հարցերում միակ ընդդիմախոսն ու «խանգարող հանգամանքը» կարող է լինել ՀՀԿ-ն։

«Կրակակետի» տակ են հայտնվել ՀՀԿ ռեյտինգային այն թեկնածուներն ու նրանց շրջապատը, որոնք ձայներ բերելու մեծ հնարավորություն ունեն, հատկապես Երևանում ռեյտինգայինով առաջադրված Հարություն Կարապողոսյանն ու Արման Սահակյանը։ Եղել են դեպքեր, որ նրանց հետ փոխկապակցված անձանց (ինչպես, ասենք, կառավարությանն առընթեր պետգույքի կառավարման վարչության նախկին պետի նախկին տեղակալ Աշոտ Մարկոսյանը) որպես վկա կանչել են ՀՔԹ ու անմիջապես կալանավորել որպես մեղադրյալ»:

Մանրամասները թերթի այսօրվա համարում:

Հետևեք մեզ նաև Telegram-ում