Արթուր Աբրահամի հաջորդ մենամարտը մայիսի 3-ին
20/03/2014 11:38
Նմանատիպ
Հայ պրոֆեսիոնալ բռնցքամարտիկ, սուպերմիջին քաշային կարգում WBO վարկածով աշխարհի չեմպիոն Արթուր Աբրահամն աշխարհի չեմպիոնի տիտղոսի պաշտպանության առաջիկա մենամարտն անցկացնելու է մայիսի 3-ին, Բեռլինում: Այդ մասին Times.am-ին տեղեկացրել է բռնցքամարտիկի մամուլի խոսնակ Սիրան Գրիգորյանը:
Արթուր Աբրահամի (39-4, 28 նոկաուտ) մրցակիցը Չեռնոգորիան ներկայացնող Նիկոլա Սյեկլոցան է (26-1, 8 նոկաուտ):
«Վերջապես ես վերանվաճեցի WBO-ի չեմպիոնական տիտղոսը եւ մտադիր չեմ առաջիկայում կորցնել այն: Այնպես որ, պետք է լավ նախապատրաստվեմ Սյեկլոցայի դեմ մենամարտին»,- նշել է Արթուր Աբրահամը:
Հիշեցնենք, որ մարտի 1-ին կայացած Արթուր Աբրահամ – Ռոբերտ Շտիգլից 3-րդ մենամարտում Արթուր Աբրահամը հաղթեց Ռոբերտ Շտիգլիցին՝ վերադարձնելով աշխարհի չեմպիոնի տիտղոսը:
Հետևեք մեզ նաև Telegram-ում