Apple-ը բանակցություններ է վարում Իրանում իր արտադրանքի վաճառքի շուրջը
30/10/2014 12:20
Նմանատիպ
Ամերիկյան Apple ընկերությունը շփվում է իրանցի բաշխորդների հետ՝ երկրի շուկա մտնելու հնարավորության կապակցությամբ, եթե Արեւմուտքը թուլացնի Իրանի նկատմամբ սահմանված պատժամիջոցները: Այդ մասին տեղեկացնում Է Wall Street Journal թերթը՝ վկայակոչելով գործի հանգամանքներին ծանոթ աղբյուրներ:
Այդ աղբյուրների տվյալներով՝ Apple-ի ղեկավարության ներկայացուցիչներն իրանցի պոտենցիալ բաշխորդների հետ հանդիպել են Լոնդոնում ԱՄՆ-ի ընկերության կենտրոնակայանում: Ինչպես նշել Է հրատարակությունը, խոսքը վերաբերել Է երկրում խանութների հնարավոր բացմանը, որոնք վստահագրով կվաճառեին Apple-ի արտադրանքը: Այս մոդելն Apple-ն ավելի վաղ օգտագործել Է Եվրոպայում եւ Ասիայում:
Apple ընկերությունը հրաժարվել Է մեկնաբանել այս տեղեկատվությունը, հաղորդել Է ՌԻԱ Նովոստին:
Հետևեք մեզ նաև Telegram-ում