Բաքվի կենտրոնում այրվում է Հեյդար Ալիևի կենտրոնի շենքը:
Ադրբեջանական լրատվամիջոցների հաղորդմամբ՝ արդեն այրվել է պլաստիկ ծածկը: Շենքից դուրս են բերվում կենտրոնի աշխատակիցները:
Հրդեհը գնալով ուժգնանում է: Մարման աշխատանքներին արդեն մասնակցում են ավելի քան 50 հրշեջ ջոկատներ և ուղղաթիռներ:
Հրդեհից գոյացած թանձր ծուխն արդեն երևում է Բաքվի տարբեր անկյուններից: Այժմ հրշեջներն աշխատում են հանգցնել կրակը: ԱՅՆ ղեկավարությունը ժամանել է դեպքի վայր:
Հրդեհի բռնկման պատճառները դեռևս պարզ չեն:
