Ժամանակն է սառեցնել ռազմաճակատի գիծը Ուկրաինայում և սկսել բանակցություններ Ռուսաստանի հետ․ Ֆրիդրիխ Մերց
Կարդացեք նաև
Գերմանիայի կանցլերը հայտարարել է, որ Եվրոպան շարունակում է աջակցել Կիևին և կոչ է արել Մոսկվային անցնել բանակցությունների։
Գերմանիայի կանցլեր Ֆրիդրիխ Մերցը Գդանսկում ունեցած ելույթի ընթացքում հայտարարել է, որ եվրոպական երկրներն այսօր «ուսի-ուսի կանգնած են» Ուկրաինայի կողքին՝ աջակցելով ապագա «եվրոպական ընտանիքի» անդամին։
Մերցը կոչ է արել եվրոպացի գործընկերներին շարունակել ակտիվ աջակցությունը Կիևին, այդ թվում՝ զենքի մատակարարումների միջոցով՝ ընդգծելով, որ «Ուկրաինայի անվտանգությունը նշանակում է Եվրոպայի անվտանգություն»։
«Այսօր մենք հստակ ուղերձ ենք հղում Ռուսաստանին․ ժամանակն է անցնել բանակցությունների և սառեցնել ռազմաճակատի գիծը», — հայտարարել է Գերմանիայի կանցլերը։
Նրա խոսքով՝ Եվրոպան շարունակելու է աջակցել Ուկրաինային՝ միաժամանակ ձգտելով ստեղծել պայմաններ, որոնք կարող են նպաստել հակամարտության քաղաքական կարգավորմանը և բանակցային գործընթացի մեկնարկին։
Հետևեք մեզ նաև Telegram-ում