Կատարը վերսկսում է Հորմուզի նեղուցով հեղուկացված բնական գազ տեղափոխող տանկերների անցումը․ Bloomberg

Կատարը վերսկսում է հեղուկացված բնական գազ (LNG) տեղափոխող տանկերների երթևեկությունը Հորմուզի նեղուցով։ Այդ մասին հայտնում է Bloomberg-ը։

Գործակալության տվյալներով՝ վերջին մեկ շաբաթվա ընթացքում առաջին անգամ նեղուցում նկատվել է կատարյան նավ, ինչը կարող է վկայել, որ երկիրը պատրաստվում է արագ վերականգնել հեղուկացված բնական գազի արտահանման բնականոն գործընթացը։

Bloomberg-ի գնահատմամբ՝ այս քայլը կարող է նշանակել, որ Կատարը վստահ է Հորմուզի նեղուցով նավարկության անվտանգության աստիճանական վերականգնման հարցում և պատրաստվում է ակտիվացնել էներգակիրների մատակարարումները համաշխարհային շուկա։

Հետևեք մեզ նաև Telegram-ում