«Չելսիի» գլխավոր մարզիչ Ժոզե Մոուրինյոն հաղորդել է, որ չի ցանկանում թիմի կազմում փոփոխություններ տեսնել ձմեռային տրանսֆերային պատուհանի ընթացքում։ Մասնագետը հաղորդել է, որ տրանսֆերներ չանելը չի օգտագործի որպես արդարացում, եթե «Ազնվականները» չկարողանան Անգլիայի առաջնության հաղթող դառնալ։
-Ինձ համար սա իդեալական իրավիճակ է։ Չեմ ուզում, որ իմ թիմից որևէ մեկը հեռանա, և չեմ ուզում, որ որևէ մեկը միանա մեզ։
Մենք սկսել ենք թիմ կառուցել հենց այս կազմով, և ես կուզենայի մինչև վերջ գնալ։ Եթե չհաղթենք Պրեմիեր լիգայում՝ հետո չեմ արդարանա՝ ասելով «Մյուս թիմերը տրանսֆերների վրա 30 միլիոն ֆունտով ավելի ծախսեցին»։ Նրանք կարող են ծախսել այնքան, ինչքան ուզում են և կարող են իրենց թույլ տալ,-Մոուրինոյի խոսքերն է հաղորդում «Daily Mail»-ը։
