«Թշնամու բանակում ամեն ինչ չէ, որ «փառապանծ» վիճակում է». Վարդան Ոսկանյանը՝ Շաքիի միջադեպի մասին

Հայաստանի տարածքում ադրբեջանցի զինծառայողի ներխուժման և դրան հաջորդած իրադարձությունների առնչությամբ իրանագետ Վարդան Ոսկանյանը Ֆեյսբուքի իր էջում գրում է.

«Բաքվի բարբարոսական վարչախմբի ԶՈւ-երի բաշիբոզուկի հետ կապված’ Հայաստանի տարածքում տեղի ունեցած դեպքը ցուցիչ է այն բանի, որ թշնամական բանակում, մեղմ ասած, ամեն ինչ չէ, որ այն «փառապանծ» վիճակում է, ինչ որ փորձում է մեզ ներկայացնել այդ նույն վարչախմբի քարոզչամեքենան և դրան նաև մեզանում, ցավալիորեն, երկրորդողները։

Ակնհայտորեն պարզ է, որ ինքնաձիգով զինված բաշիբոզուկը բարոյալքված և խայտառակ ռազմական պատրաստվածությամբ մեկն է, այնպիսի մեկը, որին նաև ինքնաձիգի առկայության պայմաններում կարող է նույնիսկ դանակահարել ոչ մի մարտական պատրաստությունը չանցած սովորական գյուղացի կին։

Թշնամուն ո՛չ պետք է թերագնահատել, ո՛չ էլ՝ գերագնահատել, բայց տրամաբանությունը հուշում է, որ այդ բաշիբոզուկը մի բացառիկ օրինակ չէ, և հենց դրա նման բազմաթիվ «զինծառայողներով» է համալրված թշնամու բանակ կոչեցյալը»։

Հետևեք մեզ նաև Telegram-ում