Լիվերմորին չեն որակազրկի կոկաին օգտագործելու համար
09/09/2015 19:56
Նմանատիպ
Անգլիական «Հալ Սիթիի» կիսապաշտպան Ջեյք Լիվերմորը չի որակազրկվի կոկաինի օգտագործման համար, հաղորդում է բրիտանական «Daily Mail» պարբերականը։
Գարնանը՝ «Քրիսթալ Փելասի» դեմ հանդիպումից հետո, ֆուտբոլիստը թմրամիջոցների օգտագործումն ստուգող թեստ էր հանձնել, որի արդյունքը դրական էր եղել։
Այնուամենայնիվ, Անգլիայի ֆուտբոլային ասոցիացիան որոշել է չորակազրկել Լիվերմորին՝ հաշվի առնելով այն հանգամանքը, որ վերջինս դեպրեսիայի մեջ է երեխայի մահից հետո։
Ամենայն հավանականությամբ, կիսապաշտպանը միայն պայմանական պատիժ կստանա։
Հետևեք մեզ նաև Telegram-ում