«Մանչեսթեր Յունայթեդի» նախկին գլխավոր մարզիչ Ալեքս Ֆերգյուսոնը կարծիք է հայտնել Մադրիդի «Ռեալի» հարձակվող և Պորտուգալիայի հավաքականի ավագ Կրիշտիանու Ռոնալդուի մասին։
-Ֆուտբոլը Ռոնալդուի անհավատալի կիրքն է։ Նա անհամբերությամբ է սպասում յուրաքանչյուր մարզմանը։ Նա միշտ ուզում է ավելի լավը լինել, ուզում է հաղթել։ Հատկապես սիրում է մեծ հանդիպումները։
«Մանչեսթեր Յունայթեդում» աշխատելուս տարիներին Ռոնալդուն ֆուտբոլիստ էր, որն աճում էր առավելապես երկար ու լարված մարզումների շնորհիվ։ Նա ամբողջ ժամանակ աշխատում էր հարվածի տեխնիկայի վրա, խփում էր աջ ոտքով, ձախով, գլխով։ Պարզապես ապշեցուցիչ է, թե ինչքան է նա լավացրել իր խաղը ժամանակակից ֆուտբոլում, որն այսքան ատլետիկ ու արագ է։
Որպես կանոն, լավագույն ֆոտբոլիստները բարձրագույն մակարդակող խաղում են 5-6 տարի, իսկ հետո ավարտում են։ Ռոնալդուն այսպես խաղում է 10 տարի, ինչը նրան բացառիկ է դարձնում։ Յուրաքանչյուր սերունդ իր առանձնահատուկ ֆուտբոլիստն ունի։ Հիմա դա Ռոնալդուն է,-ասել է Ֆերգյուսոնը «Bild»-ի փոխանցմամբ։
