«Ժողովուրդ» օրաթերթն իր հետաքննության արդյունքում պարզել է, որ մարտի 10-ին Գեղարքունիքի մարզի Սևան քաղաքում Ռուբիկ Հակոբյանին ապտակել է Այրիվանքի համայնքապետ Դավիթ Բադոյանը: Սակայն թերթի թղթակցի հետ զրույցում Բադոյանը հերքել է տեղեկությունը: «Ես, ճիշտ է, այնտեղ եմ եղել, սակայն նման բան չի եղել: Հայհոյանք եմ լսել, ուղղակի մարդիկ ասել են՝ ո՞նց թե, Գավառում կամ, ասենք, մեր մարզում տղամարդ չկա՞, ու հայհոյել են, թե չէ ի՞նչ ապտակ, ի՞նչ բան»:
Թերթը հիշեցնում է, որ 2003-ին նույն Սևան քաղաքում ՀՀ նախագահի թեկնածու Արամ Կարապետյանի քարոզարշավի ժամանակ անհայտ անձինք «ռազբորկա» հրահրեցին ու կրակոցներ արձակեցին: Նրանք ևս ժամանակին մնացին անպատիժ:
