Վարչապետի օգնականի հարցը՝ Գագիկ Ծառուկյանին
Նմանատիպ
Վերջին օրերին դրսևորվող վարչապետ Տիգրան Սարգսյանի կառավարության և անձամբ նրա հասցեին ԲՀԿ-ական շրջանակներից եկող քննադատությունները իրենց արձագանքն են ստանում նաև հակառակ կողմից։
ՀՀ վարչապետ Տիգրան Սարգսյանի օգնական Միհրան Հակոբյանը երեկ ԲՀԿ-ին ուղղված գրառումների շարքը շարունակել է նաև այսօր։ Միհրան Հակոբյանը Facebook-ի իր էջում մասնավորապես գրել է.
Հերթական հնարավորությունը բաց չթողնելով’ ցանկանում եմ հարց ուղղել ԲՀԿ առաջնորդ պրն. Գագիկ Ծառուկյանին: Հարցս հետևյալն է. արդյոք Դուք՝ որպես ԲՀԿ քաղաքական խորհրդի նախագահ, այդ իսկ խորհրդի քննարկմանը ներկայացրել եք Ձեր ու Ձեր մերձավորների հետ առնչվող որոշ հարցեր: Խոսքը գնում է լրատվամիջոցների և քաղաքացիների կողմից անընդհատ բարձրաձայնվող քաղաքաշինության նախարարության գործունեության ընթացքում բացահայտված աղաղակող փոշիացումների հետ կապված որոշ մութ պատմությունների մասին: Արդյոք քննարկվե՞լ է այն հարցը, թե ինչն է պատճառը, որ այս տարի քաղաքաշինության նախարարությունը կարողացավ մոտ մեկ միլիարդ դրամի հասնող խնայողություններ ունենալ, իսկ նախկին ղեկավարության օրոք այդպիսի խնայողություններ չեղան, ավելին՝ բացահայտվեցին հարյուրավոր միլիոն դրամների հասնող փոշիացնումներ: Արդյոք քննարկվե՞լ են, կամ քննարկվելու են առողջապահության ոլորտում տեղի ունեցած չարաշահումները: Հույս ունեմ, որ պարոն Ծառուկյանը կպատասխանի, թե քննարկվե՞լ են կամ քննարկվելու՞ են այդ հարցերը քաղաքական խորհրդի նիստում, եւ արդյոք դիտարկվո՞ւմ են դրանցում կոռուպցիոն դրսեւորումներ, թե՝ ոչ:
Հետևեք մեզ նաև Telegram-ում