Թուրքիայի քեմալական կուսակցությունը հանրաքվեի արդյունքների հարցով առաջիկա օրերին կդիմի ՄԻԵԴ
04/05/2017 11:31
Նմանատիպ
Թուրքիայի գլխավոր ընդդիմադիր քեմալական Հանրապետական ժողովրդական կուսակցության առաջնորդ Քեմալ Քըլըչդարօղլուն հայտնել է, որ սահմանադրական հանրաքվեի արդյունքները բողոքարկելու նպատակով առաջիկա օրերին դիմելու են Մարդու իրավունքների եվրոպական դատարան: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Քըլըչդարօղլուն նշել է, որ հանրաքվեի արդյունքում հաղթել է «ոչ»-ը, և դա հայտնի է ողջ աշխարհին: Նա կրկին հայտարարել է, որ բարձրագույն ընտրական հանձնաժողովի հայտարարած արդյունքներն անօրինական են:
Հետևեք մեզ նաև Telegram-ում