Բոստոնում մարաթոնի ժամանակ 12 վայրկյան տարբերությամբ երկու պայթյունների արդյունքում մահացել է 3, վիրավորվել 183 մարդ:
Ոստիկաններին հաջողվել է բռնել ահաբեկչության կազմակերպիչներին:Ոստիկանների հետ բախման ժամանակ ծանր վիրավորված ահաբեկչության կազմակերպիչներից մեկը’ Ջոխար Ցարնաեւը հայտնել է, որ իր ավագ եղբայր Թամերլանն է եղել իրենց առաջնորդը եւ գլխավոր գաղափարակիցը ահաբեկչության մեջ, նաեւ պատմել, որ նրանց ծայրահեղ մտածելակերպի վրա ազդել են համացանցից վերցրած տեսանյութերը:
Վերջինս նաեւ հայտնել է, որ իրենք ոչ մի կապ չունեն իսլամական խմբավորումների հետ: Այդ մասին ավելի վաղ հայտնել էին նաեւ ռուսական հատուկ ծառայության մարմինները:
Առաջին հարցաքննությունը տեղի է ունեցել հիվանդանոցում, որտեղ Ցարնաեւը գտնվում էր ոստիկանի հետ ունեցած բախման ժամանակ ստացած ծանր վնասվածքների պատճառով: Եթե Ցարնաեւի մեղադրանքները հաստատվեն, ապա վերջինիս սպառնում է ցմահ ազատազրկում կամ մահապատիժ՝ կախաղանի միջոցով:
