Երեկ երեկոյան ջահերով երթ է անցկացվել նաև Թբիլիսիում: Երթը սկիզբ է առել «Վակեի այգու» մոտ և ավարտվել Թուրքիայի դեսպանատան մոտ, որտեղ և մասնակիցները իրենց բողոքն են արտահայտել ընդդեմ թուրքական քաղաքականության:
Միջոցառումը կազմակերպել էր «Վրաստանի Հայ Համայնքի» Ուսանողական միությունը: Ջահերով երթին միացել են նաև Վրաստանում գործող աշխարհիկ և կրոնական կազմակերպությունները: Երթի ընթացքում ցուցարարները վանկարկել են «Արդարություն», «Թուրքիա- հանցագործ» բառերն ու երգել հայրենասիրական երգեր: Թուրքիայի դեսպանատան մոտ հավաքված 100-ից ավել ցուցարարի հիմնական պահանջն ուղղված էր Թուրքիայի կառավարությանը, որպեսզի վերջինս դադարեցնի վարել Ցեղասպանությունը ժխտող քաղաքականություն :
Այսօր ժամը 14:00 -ին Թբիլիսիում Թուրքիայի դեսպանատան մոտ կանցկացվի բողոքի խաղաղ ցույց’ Հայոց ցեղասպանությունը ճանաչելու պահանջով:
