«Յուվենտուսի» պաշտպան Ջորջիո Կյելինին դժգոհ է Չեմպիոնների լիգայի քառորդ եզրափակչում «Ռեալի» դեմ արտագնա խաղի (3:1) մրցավարությունից: Իտալացիներն ընդհանուր դիմակայությունը զիջել են 3:4 հաշվով:
«Ինչ-որ մեկը զարմացա՞ծ է: Անցած տարի «Բավարիան» անցավ այս ամենի միջով, հիմա` մենք»,- 33-ամյա ֆուտբոլիստի խոսքերն է մեջբերում «Football Italia»-ն:
Կյելնինին դժգոհ է եղել մրցավար Մայքլ Օլիվերի որոշումներից: Վերջինս լրացուցիչ վերջին րոպեին 11-մետրանոց է նշանակել թուրինցիների դարպասին, ապա խաղադաշտից հեռացրել է Ջանլուիջի Բուֆֆոնին:
