«Բարսելոնայի» ու «Ինտերի» նախկին ֆուտբոլիստ Լուիս Սուարեսը չի զարմանում, որ «Ռեալը» ամեն գնով ցանկանում է ձեռք բերել «Տոտենհեմի» կիսապաշտպան Գարեթ Բեյլին, հաղորդում է իսպանական մամուլը: Սուարեսը կարծում է, որ ուելսցին աշխարհի լավագույն ֆուտբոլիստներից մեկն է:

-Բեյլը շատ լավն է: Թվում է’ «Ռեալին» նույնպես նա շատ է դուր գալիս: Ռոնալդուի հետ նրանք շատ բանի կարող են հասնել; Պորտուգալացուց ու Լիոնել Մեսսիից հետո ես նրան համարում եմ աշխարհի երրորդ լավագույն ֆուտբոլիստը: Ես ավելի շուտ նրա համար կվճարեի 60 մլն. եվրո, քան Նեյմարի համար’ 40 մլն. եվրո: Հիշում եմ Բեյլի խաղը Մայկոնի դեմ: Այն ժամանակ մտածում էինք, որ բրազիլացին աշխարհի ամենաարագ պաշտպանն է; Սակայն Բեյլը զարմանալի հեշտությամբ էր կարողանում նրան շրջանցել: Այդ ժամանակից ի վեր ես հիանում եմ նրա խաղով,- ասել է Սուարեսը;