«Բարսելոնայի» հարձակվող Դավիդ Վիլյան չգիտի, թե որ ակումբում է հանդես գալու հաջորդ մրցաշրջանում, հաղորդում են իսպանական ԶԼՄ-ները: Նա ընդգծել է, որ այս պահին պատրաստ չէ այդ հարցին կոնկրետ պատասխան տալ:
-Այժմ իմ ապագայի հարցը քննարկելու ժամանակը չէ: Երբ ավարտվի մրցաշրջանը, այդ ժամանակ էլ կանդրադառնանք դրան: Ձմեռային տրանսֆերային պատուհանի ժամանակ կային ակումբներ, որոնք «Բարսելոնայից» հետաքրքրվել են իմ ծառայություններով, սակայն այն ժամանակ ակումբի ղեկավարությունն ու մարզչական շտաբը նշեցին, որ չեն պատրաստվում ինձ տրանսֆերի հանել,- ասել է Վիլյան:
Հիշեցնենք’ այս ֆուտբոլային տարում իսպանացի հարձակվողը խաղային քիչ պրակտիկա է ստանում: Բացի այդ, խոսվում էր, որ նա վատ հարաբերությունների մեջ է թիմի առաջատար Լիոնել Մեսսիի հետ: Սակայն, ավելի ուշ երկուսն էլ հերքեցին այդ տեղեկությունը:
