«Մանչեսթեր Յունայթեդի» ֆուտբոլիստները Պրեմիեր լիգայում ակումբի պատմության մեջ 20-րդ չեմպիոնության առթիվ շքերթ կկատարեն մայիսի 13-ին, հաղորդում է բրիտանական մամուլը: Այն տեղի կունենա այս մրցաշրջանում սըր Ալեքս Ֆերգյուսոնի թիմի տնային վերջին հանդիպումից մեկ օր անց. մայիսի 12-ին «կարմիր սատանաները» կհյուրընկալեն «Սուոնսիին», ինչից հետո կստանան չեմպիոնական գավաթը:
Շքերթի երթուղին արդեն համաձայնեցված է քաղաքապետարանի ու ոստիկանության հետ: Մանկունյական ակումբի ֆուտբոլիստները բաց ավտոբուսով «Օլդ Թրաֆֆորդից» կշրջեն քաղաքի փողոցներով:
