Հայաստանի և Լիտվայի ԱԳՆ-ների միջև քաղաքական խորհրդակցություններ են կայացել
Նմանատիպ
Ապրիլի 4-ին Երևանում Հայաստանի և Լիտվայի արտաքին գործերի նախարարությունների միջև անցկացվեցին քաղաքական խորհրդակցություններ` փոխնախարարների ղեկավարությամբ: ՀՀ ԱԳՆ կողմից խորհրդակցությունները վարում էր նախարարի տեղակալ Զ. Մնացականյանը, լիտվական կողմից` է. Իգնատավիչյուսը:
ՀՀ ԱԳՆ մամլո խառայության հաղորդմամբ՝ հայ և լիտվացի դիվանագետները քննարկեցին եվրոպական և միջազգային կառույցներում երկու երկրների փոխգործակցության հետ կապված հարցեր, այդ թվում` Հայաստան-ԵՄ համագործակցության ներկայիս փուլը և հեռանկարները: Անդրադարձ կատարվեց ԵՄ հետ Հայաստանի Ասոցացման համաձայնագրի շուրջ բանակցությունների ընթացքին և արձանագրված նշանակալի առաջընթացին:
Կողմերը գոհունակությամբ արձանագրեցին, որ վերջին 2 տարիների ընթացքում հայ-լիտվական հարաբերությունները, այդ թվում` բարձր մակարդակի քաղաքական երկխոսությունն ու փոխայցելությունները, կրթական ու մշակութային կապերը զարգանում են դինամիկ կերպով:
Մտքեր փոխանակվեցին երկու երկրների արտաքին քաղաքական առաջնայնությունների օրակարգի, ԼՂ հակամարտության կարգավորման գործընթացի և տարածաշրջանային հարցերի շուրջ:
Հետևեք մեզ նաև Telegram-ում