Հայտնի են Ա.Խաչատրյանի անվ. միջազգային մրցույթի եզրափակիչ անցած մասնակիցների անունները

Արդեն հայտնի են դարձել Արամ Խաչատրյանի անվ. միջազգային 8-րդ մրցույթի 3-րդ եզրափակիչ փուլ անցած մասնակիցների անունները:

Ինչպես հայտնում են Արամ Խաչատրյանի անվան միջազգային մրցույթի մամուլի ծառայությունից, այս տարի մրցույթի մասնակիցները բավականին ուժեղ երաժիշտներ են, և մրցույթի ժուրին դժվար ընտրության առջև էր կանգնած: «Մրցույթը գնալով ավելի թեժ ընթացք է ստանում, մաղթենք մասնակիցներին հաջողություն և նորանոր հաղթանակներ»,- նշվում է հաղորդագրության մեջ:

Այսպիսով՝ եզրափակիչ փուլ են անցել հետևյալ մասնակիցները՝

Թանաբե Այակո – Ճապոնիա
Քրեֆթ Ջոանա Էմիլիա – Լեհաստան
Նակամուրա Դայչի – Ճապոնիա
Ռուդին Ֆյոդր – Ֆրանսիա/Ռուսաստան
Միլյուկով Պավել – Ռուսաստան

Եվս մեկ մրցութային փուլ, և մենք ականատեսը կդառնանք Արամ Խաչատրյանի Կոնցերտի այս տարվա լավագույն կատարողի բացահայտմանը:
Մանրամասն տեղեկություններ կարող եք ստանալ այցելելով մրցույթի վեբ կայքը www.akhic.am