Կարա Բալայի արձանը կվերադարձվի Աբովյան փողոց
Նմանատիպ
Երևանի քաղաքապետ Տարոն Մարգարյանի հանձնարարությամբ՝ մոտ ժամանակներում մեկնարկելու են Հյուսիսային պողոտայի բարեկարգման, կանաչապատման և արտաքին լուսավորության ցանցի նորացման աշխատանքները: Արդյունքում՝ պողոտայում մոտ երեք անգամ պետք է ավելանան կանաչ տարածքները, կփոխարինվեն սալիկներն ու նոր լուծումներ կտրվի արտաքին լուսավորությանը:
Ինչպես հայտնում են Երևանի քաղաքապետարանի տեղեկատվության և հասարակայնության հետ կապերի վարչությունից, հանձնարարվել է ծրագրին մասնակից դարձնել նաև պողոտայի տարածքում գտնվող օբյեկտների սեփականատերերին:
Այգիներում և պուրակներում գիշերային լուսավորություն ապահովելու նպատակով ևս հանձնարարվել է աշխատանքներին մասնակից դարձնել նաև տարածքները վարձակալած տնտեսվարողներին:
Զեկուցվել է, որ համապատասխան իրավական քայլեր են ձեռնարկվել պարտադիր բարեկարգման նորմերը չպահպանող մի շարք տնտեսավարող սուբյեկտների հետ վարձակալական պայմանագրերը դադարեցնելու ուղղությամբ:
Գեղարվեստական խորհրուրդը հավանություն է տվել Կարա Բալայի արձանը Աբովյան փողոցում վերատեղադրելու հարցին:
Նշենք, որ արձանը Աբովյան փողոց տեղափոխելու նախաձեռնությամբ հանդես էին եկել ֆեյսբուքյան մի քանի օգտատերեր, նախաձեռնությանը կողմ էր արտահյտվել նաև քանդակագործ Լևոն Թոքմաջյանը:
Հետևեք մեզ նաև Telegram-ում