Պաշտոնական. Սամպաոլին կգլխավորի Արգենտինայի հավաքականը
26/05/2017 20:15
Նմանատիպ
«Սևիլյան» ու թիմի գլխավոր մարզիչ Խորխե Սամպաոլին համաձայնության են հասել պայմանագիրը խզելու հարցում:
Անդալուզյան ակումբը պաշտոնապես հայտարարել է, որ հունիսի 1-ին ստորագրվելու են համապատասխան փաստաթղթերը: Իսպանացիներն այդ մասին պայմանավորվել են Արգենտնայի ֆուտբոլի ֆեդերացիայի հետ: 57-ամյա մասնագետը դառնալու է Արգենտինայի հավաքականի նոր մարզիչը:
Արգենտինացի մարզչի գլխավորությամբ «կարմրասպիտակները» Պրիմերայում գրավել են 4-րդ տեղը, իսկ Չեմպիոնների լիգայում հասել մինչև 1/8 եզրափակիչ:
Հավելենք, որ «Ալբիսելեստեն» հունիսին ընկերական հանդիպում կանցկացնի Բրազիլիայի ընտրանու հետ:
Հետևեք մեզ նաև Telegram-ում