AM | RU
USD
EUR
RUB

Ադրբեջանի կողմից ծայրահեղ դիրքորոշման պնդումը կհանգեցնի բանակցությունների դադարեցման․ Տիգրան Աբրահամյան

 

ԵՐԵՎԱՆ, 8 ԴԵԿՏԵՄԲԵՐԻ, Tert.am: Արցախյան հարցի շուրջ բանակցություններն ավելի շատ վտանգներ են պարունակում, քան՝ դրական դինամիկա։ Այս մասին Tert.am-ի հետ զրույցում նշեց Արցախի Հանրապետության նախագահի խորհրդական Տիգրան Աբրահամյանը՝ հավելելով, որ դրանք արդյունավետ փուլ կտեղափոխվեն Արցախի ուղղակի ներգրավածության պարագայում։

-Պարոն Աբրահամյան, պաշտոնական Բաքուն ԵԱՀԿ նախարարների խորհրդի անդամներին է ներկայացրել Լեռնային Ղարաբաղի հակամարտության կարգավորման վերաբերյալ իր դիրքորոշումը, որում հիմնախնդրի կարգավորումը հնարավոր է համարում միայն միջազգային իրավունքի նորմերի ու սկզբունքների հիման վրա՝ հարգելով Ադրբեջանի տարածքային ամբողջականությունն ու ինքնիշխանությունը: Այսպիսի դիրքորոշման պարագայում բանակցությունները կարո ՞ղ են արդյունավետ լինել: Արդյոք փաստաթղթով Ադրբեջանը չի՞ պատասխանում նաև Նիկոլ Փաշինյանի կողմից առաջ քաշված մոտեցումներին:

-Ադրբեջանի պաշտոնական դիրքորոշման տարածումը երկու երկրների ԱԳ նախարարների հանդիպումից առաջ արդեն իսկ խոսում էր այն մասին, որ կառուցողական երկխոսություն կառուցելու հնարավորությունները կտրուկ նվազում են:

Միջնորդները կամ պետք է կանխեին, կամ դրանից հետո պետք է հրապարակային արձագանքեին Ադրբեջանի այդ քայլին, հակառակ դեպքում նրանց լուռ համաձայնությամբ իրականացվեց մի քայլ, որը հակասում է նույնիսկ համանախագահների համատեղ հայտարարություններին:

Այս ձևով քաղաքական շփումները չեն կարող էական ազդեցություն ունենալ բանակցությունների վերսկսման կամ դրանք բնականոն հուն տեղափոխելու վրա:

-ԵԱՀԿ գործող նախագահ, Սլովակիայի ԱԳ նախարար Միրոսլավ Լայչակը ԵԱՀԿ նախարարական խորհրդի նիստի ժամանակ հայտարարել է, որ ԼՂ հակամարտության էսկալացիայի իրական սպառնալիք կա։ Այս փուլում պատերազմի վերսկսման վտանգ տեսնո՞ւմ եք:

-ԵԱՀԿ գործող նախագահի այս գնահատականը լավագույն ձևով ի ցույց է դնում այն ռազմաքաղաքական իրադրությունը, որը գոյություն ունի և այն ռիսկերը, որոնք կարող են տարածաշրջանային ցնցումների հանգեցնել:

Որքան էլ միջնորդներն իրենց ամփոփիչ հայտարարությունում փորձել էին նաև դրական դինամիկան ցույց տալ՝ հրադադարի ռեժիմի խախտումների նվազման կամ լրագրողական փոխայցերի կտրվածքով, այնուամենայնիվ, ընդհանուր մակարդակում, բանակցային գործընթացում առկա վիճակն ավելի շատ վտանգներ է պարունակում, քան դրական դինամիկա:

-ԵԱՀԿ 26-րդ նախարարական խորհրդաժողովի շրջանակներում ԵԱՀԿ Մինսկի խմբի համանախագահների միջնորդությամբ և մասնակցությամբ կայացավ Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը: 3.5 ժամ տևած հանդիպումից որևէ դրական տեղաշարժ կարո ՞ղ ենք սպասել:

-Այդ հանդիպման ամենադրական հանգամանքը հաջորդ հանդիպման ուրվագծումն է, որը նախատեսում է նաև ամենաբարձր մակարդակով հանդիպման կազմակերպում:

Սակայն այս ամենի ամենաառանցքային հարցն այն է, որ համանախագահներն իրենց հայտարարության մեջ, որպես բանակցությունների հիմք ներկայացնում են մի փաստաթուղթ, որի վերաբերյալ կողմերն այդպես էլ վերջնական դիրքորոշում չեն արտահայտել:

Հայտնի երեք սկզբունքներն ու տարրերը պարունակող առաջարկի 2009-12 թվականների տարբերակի վերաբերյալ գոնե հրապարակային գնահատականներ չկան: Անուղղակի ձևով կողմերը դրանց անդրադառնում են իրենց պաշտոնական դիրքորոշումներում, Հայաստանի վարչապետն էլ մի քանի առիթով նշել է, որ տարընթերցումներ չլինելու համար այդ առաջարկների շուրջ անհրաժեշտ են լրացուցիչ պարզաբանումներ:

Բանակցություններում առաջ շարժվելու համար անհրաժեշտ է, որպեսզի կողմերը պաշտոնապես արձագանքեն՝ պատրա՞ստ են եղած առաջարկների փաթեթով շարժվել, թե՞ պետք է նոր առաջարկների ուղղությամբ աշխատել: Թե չէ հումանիտար բնույթի պայմանավորվածությունները, փոխայցերը և այլն, դրանք զուգահեռ ընթացող պրոցեսներ են:

-Ստացվում է, որ համանախագահներն առաջարկում են առաջ ընթանալ այն փաստաթղթով, որը դրված է եղել նախորդ իշխանությունների առա՞ջ:

-Այդպես է ստացվում, համանախագահներն արդեն որերորդ անգամ իրենց հայտարարություններում նույնիսկ այդ առաջարկների ժամանակահատվածն են ֆիքսել, որովհետև տասը տարի առաջ ընդունված Մադրիդյան փաստաթուղթը տարբեր ժամանակահատվածներում տարբեր մշակումներ է ունեցել, միջնորդներն առաջարկում են դրա նախնական մշակումների տեքստը:

-ՌԴ արտգործնախարար Լավրովը Բաքվում խոսել էր փոխզիջումների հնարավորությունների առկայության մասին, առանց Արցախին բանակցություններում ներգրավելու այս առումով կարո ՞ղ է քննարկում լինել:

-Փոխզիջում ասվածը շատ հարաբերական ձևակերպում է: Ի դեպ, Ադրբեջանն իր հայտարարություններում պարզորոշ ձևով ցույց է տալիս, որ բանակցություններում իր մասով փոխզիջման տեղ չի տեսնում: Այս պարագայում միջնորդները պետք է ակտիվացնեն աշխատանքն Ադրբեջանի հետ, որովհետև նրա արտահայտած դիրքորոշումը ծայրահեղ բնույթ է կրում, իսկ այդ դիրքորոշման պնդումը կբերի բանակցությունների դադարեցման, որովհետև առաջ շարժվելու տեղ չի թողնում:

Այս ողջ թեմայում ամենակարևոր հարցը հենց Արցախի ուղիղ ներգրավվածությունն է, որի հարցն Ադրբեջանն ամեն կերպ փորձում է շրջանցել: Սակայն որքան էլ խուսափի, նվազագույնը միջնորդների համար պարզ է, որ առանց Արցախի ցանկացած պայմանավորվածություն որևէ արդյունքի չի կարող հանգեցնել: Որքան շուտ Արցախն ուղղակի ներգրավվածություն ունենա բանակցություններում, այնքան արագ հնարավոր կլինի շփումներն ու բանակցություններն առավել արդյունավետ փուլ տեղափոխել:

Լրահոս
Խոշոր հրդեհ Մատենադարանի հետնամասում․ դեպքի վայր է մեկնել 6 մարտական հաշվարկ (տեսանյութ) Ռուսաստանն իր նորագույն պատմության մեջ առաջին անգամ տիրապետում է լավագույն և ամենակատարյալ զենքին, որից ոչ ոք չունի. Պուտին Ամենաարդյունավետ նիհարելու միջոցը՝ առանց դիետաների Առաջիկայում սահմանին սադրանքների մեծ ռիսկը կպահպանվի․ Տիգրան Աբրահամյան Եթե այս վիճակից դուրս չգանք, իրոք անդունդի մեջ ենք. Գագիկ Ծառուկյան (տեսանյութ) Ազատության հրապարակում իշխանության հրաժարականի պահանջով հանրահավաք տեղի ունեցավ (տեսանյութ) Հունիսի 18-ից ՍԴ-ն որոշում չի կարողացել կայացնել. Արամ Վարդևանյան ՀՀ տարածքում ջերմաստիճանն աստիճանաբար կնվազի Հակառակորդի կողմից հրադադարի պահպանման ռեժիմը խախտվել է շուրջ 295 անգամ Իրանը մտադիր է վրեժ լուծել գեներալ Սուլեյմանիի սպանության մասնակիցներից Արձակուրդից վերադառնալուց հետո Հրայր Թովմասյանը մասնակցել է բոլոր նիստերին. ՍԴ Ինչից է ՁԵԶ փորձում զրկել «հեղափոխությունը». Արփինե Հովհաննիսյան «Պռոշյանի գինու գործարան»-ում պայթյունի հետևանքով տուժածներից մեկը մահացել է Արցախի Ազգային ժողովի նստավայրը Ստեփանակերտից կտեղափոխվի Շուշի Սպասվում են լրջագույն քաղաքական զարգացումներ, որտեղ «Հայրենիք» կուսակցությունն ունենալու է առանցքային դեր․ Արթուր Վանեցյան Հայաստանում կորոնավիրուսով վարակվելու հաստատված դեպքերը «Տեսողությունս կորցնելուց հետո եմ միայն իմացել, որ գարդասիլի պատվաստում եմ ստացել» «Ժողովուրդ»․ Շուտով կհայտարարվի նախաքննության ավարտի մասին «Հրապարակ»․ Երկրի վարչապետն ավելի կարևոր մտահոգություն ունի, քան մեր երկրի սոցիալ-տնտեսական վիճակն ու բյուր խնդիրները «Ժողովուրդ»․ Առաջիկայում Հայաստանում նոր թանկացումներ կլինեն և արդեն կան «168 ժամ». Քաղաքական բանավեճի ու մշակույթի մակարդակն իջել ու իջնում է՝ հասնելով անթույլատրելի ցածր կետի «Հրապարակ». Ձեր երկրում անասելի շատ քրգործեր են հարուցվում, որոնք ոչ մի հանգրվանի չեն հասնում․ ՀՀ-ում ՌԴ դեսպան «Հրապարակ». Խաչատուր Սուքիասյանը իշխանության փիարը նոր մակարդակի է հասցնում ՕՐՎԱ ԽՈՐՀՈՒՐԴԸ: Սեպտեմբերի 19 «Իմ քայլը» հիմնադրամը նորաստեղծ ՀԿ-ին մոտ 96 մլն դրամ էր տվել՝ նոյեմբերին Համալիրում կազմակերպված փառատոնի համար Նոր չարտերային չվերթներ Մոսկվայից Երևան Պաշտպանվել սեփական կառավարությունից Նիկոլ Փաշինյանի հրաժարականի պահանջով բողոքի ակցիա՝ Մատենադարանի դիմաց. ՏԵՍԱՆՅՈՒԹ Այլևս չենք զարմանում մեզ հարևան որոշ երկրների դրսևորած վանդալիզմից. Հայրապետյան «Հայրենիք» կուսակցությունը խորհրդի նիստ է անցկացրել «Մտքովդ չանցնի, որ պետութունն ու ժողովուրդը վճարելու են քո ճակատագրական սխալների գինը». Աշոտյանը՝ վարչապետին Հայաստանում կա էլիտա, որը կարող է փոխարինել այս իշխանություններին. Ռոբերտ Քոչարյան (տեսանյութ) Ճիշտ չէ, որ բանակում չծառայած մարդն ասի՝ բոլորդ պետք է ծառայեք. Գորգիսյան Թո՛ղ գան, խոսե՛ն մարդկանց հետ. Ամուլսարի հարակից համայնքի բնակիչները Կառավարությանը հրավիրում են համայնք (Տեսանյութ) «Qatar Airways»-ը դեպի Երևան թռիչքները հոկտեմբերի 5-ից կդարձնի ամենօրյա Ես ասել ու ասում եմ՝ եթե պետությունը քայլեր չանի, փոփոխություններ չկատարի, մենք օր օրի անդունդ ենք գնալու. Գագիկ Ծառուկյան (տեսանյութ) Արցախի նախագահն ընդունել է ՀՀ ԱԳՆ պատվիրակությանը Սորոսական շրջանակնե՞րն են Բաթոյանին ջրից չոր դուրս բերում․ «Մեդիա պաշտպանի» մշտադիտարկումները մամուլում ՀՀ տարածքում վաղվանից ջերմաստիճանն աստիճանաբար կնվազի Արմավիրի մարզում մի քանի գյուղերի բնակիչներ փակել են Էջմիածին-Մարգարա ճանապարհը
Խմբագրի ընտրություն
website by Sargssyan