Հայաստան-Արցախ անցագրային կետերում կիրականացվի քաղաքացիների ջերմաչափում
Նմանատիպ
ԵՐԵՎԱՆ, 16 ՄԱՐՏԻ, Tert.am: Մարտի 16-ին՝ ժամը 18:30-ից սկսած ՀՀ-ում հայտարարվեց արտակարգ դրություն: Վարչապետն ասաց, թե երկու հայտարարություն ունի անելու:
Նա նշեց, թե հեռախոսազրույց է ունեցել Արցախի Հանրապետության նախագահ Բակո Սահակյանի հետ և քննարկել կորոնավիրուսով պայմանավորված իրավիճակը:
«Արձանագրել ենք, քանի որ մինչ այս պահը ԱՀ-ում կորոնավիրուսի դեպք չի արձանագրվել, պետք է կոչ անենք մեր քաղաքացիներին, որ Արցախից Հայաստան և Հայաստանից Արցախ ուղևորվեն միայն բացառիկ անհրաժեշտության դեպքում: Նաև պայմանավորվենք, որ անցագրային կետերում ջերմաչափում կիրականացվի երկու կողմերից ուղևորվող քաղաքացիներին, և ջերմություն ունենալու պարագայում նրանց կխնդրենք վերադառնալ իրենց բնակության վայրեր»,-ասաց նա:
Նշենք, որ այս պահին ՀՀ-ում արձանագրվել է կորոնավիրուսով վարակման 30 դեպք, մեկ հոգի ապաքինվել է:
Հետևեք մեզ նաև Telegram-ում