ՀՀԿ ԳՄ նիստում քննարկել են ներքաղաքական մի շարք զարգացումներ

ՀՀԿ ԳՄ նիստում քննարկել են ներքաղաքական մի շարք զարգացումներ

ԵՐԵՎԱՆ, 2 ՀՈՒLԻՍԻ, Times.am: ՀՀԿ կենտրոնական գրասենյակում տեղի է ունեցել կուսակցության Գործադիր մարմնի հերթական նիստը, որը վարում էր ՀՀԿ նախագահ Սերժ Սարգսյանը։

Կուսակցությունից հայտնում են, որ նիստին քննարկվել են Հայաստանում ստեղծված համաճարակաբանական իրավիճակը, խորացող սոցիալ-տնտեսական ճգնաժամը, ներքաղաքական մի շարք զարգացումներ։

Վերհանվել են վերջին սահմանադրական փոփոխությունների և իշխանության բռնատիրման նոր փուլի արդյունքում երկրի ներքին և արտաքին սպառնալիքները։

Գործադիր մարմինն անդրադարձել է կուսակցության գալիք ծրագրերին, ներառյալ միջազգային համագործակցության ասպարեզում։

Նախանշվել են արտակարգ դրության ռեժիմի վերացման դեպքում Հանրապետականի գործունեության հիմնական ուղղությունները և գերակայությունները, շոշափվել է այլ հասարակական և քաղաքական ուժերի հետ ընդհանրական քաղաքական օրակարգի դեպքում հնարավոր փոխգործակցության հարցը։

Հետևեք մեզ նաև Telegram-ում