Նոր գրոհ հայկական «Անվախ» դիրքի ուղղությամբ։ Թշնամու մի շարք զինծառայողներ ծուղակում են հայտնվել

ԵՐԵՎԱՆ, 21 ՀՈՒԼԻՍԻ, Times.am: Այսօր ժամը 22:30-ին «Անվախ» դիրքի ուղղությամբ հակառակորդի հատուկ նշանակության ստորաբաժանումը ձեռնարկել է հերթական հարձակումը: Այս մասին Facebook-յան իր էջում հանրությանը տեղեկացրել է ՀՀ ՊՆ մամուլի խոսնակ Շուշան Ստեփանյանը։

Հայկական ԶՈւ ստորաբաժանումը հետ է մղել հակառակորդի գրոհը` պատճառելով զգալի կորուստներ:

«Ըստ նախնական տվյալների` հակառակորդի հատուկ նշանակայինները բացի կորուստներից ունեն նաև ծուղակում մնացած զինծառայողներ:
Հայկական կողմը կորուստներ չունի», – տեղեկացնում է պաշտպանության նախարարությունը: