AM | RU
USD
EUR
RUB

Ավելի քան 11 հազար դիմորդներից առայժմ ուսանող է դարձել 8083-ը

 

Ավելի քան 11 հազար դիմորդներից առայժմ ուսանող է դարձել 8083-ը։

«Արմենպրես» լրատվական գործակալության մամուլի սրահում հրավիրված ասուլիսի ընթացքում Գնահատման և թեստավորման կենտրոնի փոխտնօրեն Կարո Նասիբյանն ամփոփել է 2021 թվականի բուհերի ընդունելության քննությունների առաջին փուլի արդյունքները։ Նրա խոսքով՝ այս տարվա քննությունները տարբերվել են թե՛ 2019, թե՛ 2020 թվականների քննություններից:

«2019 թ.-ի քննություններն անցել են իրենց բնականոն հունով, 2020 թ․-ին դիմորդները հանձնել են ընդունելության մեկ քննություն, իսկ 2021 թ․-ին՝ առավելագույնը երկու քննություն: Սա նշում եմ այն նպատակով, որպեսզի չհամեմատենք 2019, 2020 և 2021 թվականները»,- նշել է ԳԹԿ փոխտնօրենը և հավելել, որ այս տարի բուհերին հատկացվել է 1800 անվճար տեղ․ վճարովի տեղերը 21800 էին:

ԳԹԿ-ում միասնական քննություն հանձնելու համար հայտագրվել էր 11058 դիմորդ, որոնցից բուհ է ընդունվել 8083-ը: 2935 դիմորդ դուրս է մնացել մրցույթից․ նրանցից 1546-ը չի հաղթահարել քննության անցողիկ շեմը։

Ըստ բանախոսի՝ դիմորդների շրջանում ամենապահանջվածը ՏՏ ոլորտն է։ Լավագույն հնգյակում է հայտնվել «Սերվիս» մասնագիտությունը, ինչը, Կարո Նասիբյանի խոսքով, անակնկալ էր:

«Չնայած ՏՏ ոլորտի մասնագիտությունները բուհերը բաժանել են մի քանի հատվածների, այնուամենայնիվ, այդ ոլորտը նորից պահանջված է։

Մեծ է հետաքրքրությունը նաև իրավագիտության նկատմամբ․ այդ մասնագիտությամբ դիմորդների համարյա կեսն ընդունվել է, 22-ը՝ ստացել անբավարար գնահատական, իսկ 135-ը՝ դուրս մնացել մրցույթից։

Ինչպես միշտ, պահանջված են նաև բուժական մասնագիտությունները, հիմնականում «Բուժական գործը» և «Ստոմատոլոգիան»։

Միաժամանակ նշեմ, որ եթե տարիներ շարունակ պահանջված են եղել տնտեսագիտական մասնագիտությունները, հատկապես` «Ֆինանսներ և վարկ» ու «Կառավարում» մասնագիտությունները, ապա այս տարի այդ մասնագիտություններով ընդունվել են նույնիսկ շատ ցածր միավորներով:

Կարելի է ասել` համարյա մրցույթ չի եղել»,- ընդգծել է Կարո Նասիբյանը և հավելել, որ քիչ դիմորդներ ունեն քիմիային առնչվող մասնագիտությունները, ինչպես նաև փոքր պահանջարկ՝ կրոնագիտությունը, աստվածաբանությունը, արվեստաբանությունը, մշակութաբանությունը։

Նրա խոսքով՝ 2021 թվականի բուհերի ընդունելության քննությունների արդյունքներով «Հայոց լեզու» առարկայի իմացության մակարդակի անկում չի նկատվում:

Քննությունների առաջին փուլի արդյունքների համաձայն՝ դիմորդներն ապահովել են միջին միավոր, ինչպես նախորդ տարիներին էր:

Նշյալ առարկայի քննությունից ստացված ցածր գնահատականների վերաբերյալ բարձրացված աղմուկը վերաբերում էր երկրորդ փուլին:

«Միայն երկրորդ փուլով ասել, որ հայոց լեզվի իմացության մակարդակն իջել է, ճիշտ չէ: Ընդհանուր արդյունքները դիտարկելով՝ չեմ կարող ասել, որ այս տարի հայոց լեզվի միջին գնահատականը ցածր է: Լրացուցիչ փուլով կազմակերպված քննությունների գնահատականները սովորաբար ցածր են լինում:

Փորձը ցույց է տալիս, որ երկրորդ փուլում քննություն հանձնողների կեսը կամ 2/3-ը ստանում են անբավարար գնահատականներ: Ընդհանուր գնահատականների համար անհրաժեշտ է դիտարկել երկու փուլն էլ»,- նշել է Կարո Նասիբյանը՝ հավելելով, որ այս տարի հայոց լեզվից քննություն հանձնողների 1/3-ը 18-ից բարձր միավոր է ստացել:

Լրագրողների այն դիտարկմանը, որ անգլերենի գնահատականներն ավելի բարձր են, քան հայոց լեզվի, Կարո Նասիբյանը փաստել է, որ տարիներ շարունակ օտար լեզվից ավելի բարձր են ստանում, քան «Հայոց լեզու» առարկայից:

Անդրադառնալով թափուր մնացած տեղերին՝ բանախոսը նշել է, որ այդ թիվը բավականին մեծ է, քանի որ բացի պետական բուհերից՝ ընդգրկված են նաև ոչ պետական բուհերը. «Մոտավորապես 15000 թափուր տեղ դեռևս ունենք: Դիմորդները հուլիսի 19-ից dimord.am կայքում հնարավորություն ունեն ծանոթանալու պետական և ոչ պետական բուհերի թափուր մնացած տեղերին՝ ըստ մասնագիտությունների և բուհերի»:

Հիշեցնենք, որ ընդունելության քննություններից դրական միավոր (միավորներ) ստացած, սակայն մրցույթից դուրս մնացած դիմորդները հուլիսի 19-26-ը կարող են մասնակցել լրացուցիչ՝ թափուր տեղերի մրցույթին՝ առցանց եղանակով լրացնելով դիմում-հայտ:

Լրացուցիչ փուլի մրցույթն անցկացվում է մեկ կամ ավելի բուհերի՝ մինչև վեց մասնագիտության հայտագրմամբ, եթե տվյալ մասնագիտությունների առարկայից (առարկաներից) դիմորդն ունի դրական գնահատական (գնահատականներ), և այդ մասնագիտություններում (անվճար և վճարովի) առկա են թափուր տեղեր:

Թափուր տեղերի ընդունելության դիմում-հայտում հայտագրված որևէ մասնագիտությամբ (ըստ հայտագրման հերթականության) ընդունված դիմորդը չի մասնակցում հայտագրված հաջորդ մասնագիտությունների մրցույթին, իսկ չընդունված դիմորդն ըստ հերթականության մասնակցում է հաջորդ մասնագիտությունների մրցույթներին:

Հիմնական և լրացուցիչ փուլի մրցույթի անցկացման ժամանակ նախապատվությունը տրվում է տվյալ մասնագիտության քննություններից առավել բարձր միավոր (միավորներ) ունեցող դիմորդին:

Հանրապետական ընդունող հանձնաժողովը բուհերում լրացուցիչ՝ թափուր տեղերի մրցույթի արդյունքները հաստատելու է հուլիսի 30-ին:

Լրահոս
Թույլ չենք տալու հավասարության նշան դնել պատերազմական հանցագործության զոհի և հանցագործի միջև․ Էդմոն Մարուքյանը՝ Տոյվո Կլաարին Երևանի և 4 մարզերի մի շարք հասցեներում լույս չի լինի Մենք գործ ունենք վայրենիների հետ. Զոհրաբ Մնացականյանը` հայ գերիների գնդակահարության մասին Ինչպիսի եղանակ է սպասվում Հայաստանում «Ադրբեջանի ԶՈՒ-ի պատերազմական հանցագործությունները հստակ գնահատականի պետք է արժանանան միջազգային ատյանների կողմից». Միրզոյան Գերության մեջ գտնվող երկու տասնյակից ավել հայ զինծառայող խոշտանգվել է ԱՄՆ-ն միակ երկիրն է այս պահին, որը կարող է ստիպել Ադրբեջանին դադարեցնել կրակը. Ֆրանկ Փալոն Երևանում նախատեսվում է նոր ավտոկայարան կառուցել Ռոբերտ Մենենդեսն առաջարկել է սահմանափակել F-16-երի վաճառքը Թուրքիային և դադարեցնել ռազմական աջակցությունն Ադրբեջանին Կալիֆորնիայի նահանգապետը ստորագրել է ապրիլի 24-ը Ցեղասպանության օր սահմանելու օրինագիծը Պաշտոնական Ստեփանակերտի դիրքորոշումը մնացել է անփոփոխ՝ Արցախը երբեք չի լինելու Ադրբեջանի կազմում. Դավիթ Բաբայան Հայաստանի փոխվարչապետն ու Ճապոնիայի դեսպանը քննարկել են Հայաստանի դեմ Ադրբեջանի լայնածավալ ագրեսիայի հետևանքները Մարտական դիրքում հայտնաբերվել է ժամկետային զինծառայողի դի. ՀՀ ՊՆ Ուկրաինան արագացված կարգով ՆԱՏՕ-ին անդամակցելու հայտ է ներկայացնում. Զելենսկի ՌԴ-ի հետ ռազմատեխնիկական համագործակցությունն իրականցվում է կնքված պայմանագրերին համապատասխան. ՊՆ Ադրբեջանական վերջին հարձակումից հայկական կողմը նույնականացված 201 զոհ ունի Իրանի գլխավոր հյուպատոսությունը կնպաստի Սյունիքի ներուժի իրացմանը Որևէ ակնարկ կամ թաքնված ենթատեքստ փնտրել պետք չէ. ՊՆ մամուլի քարտուղարը՝ ԶՈՒ ԳՇ պետի տեղակալի հայտարարության մասին Փելոսիի այցի մասին Մակեյի հայտարարության կապակցությամբ Բելառուսի դեսպանը հրավիրվել է ՀՀ ԱԳՆ. ԱԳՆ խոսնակ «Հույս ունեմ, որ կքայլեմ». Շուշիի մարտերի մասնակից Նորայր Ավագյան ՌԴ-ն շահագրգռված է հետագայում ևս Հայաստանի հետ զարգացնել փոխադարձ առևտուրը և ներդրումները. ՌԴ փոխվարչապետ Արմեն Գրիգորյանը աշխատանքային հանդիպումներ է ունեցել Կենտրոնական հետախուզական գործակալության Լենգլիում գտնվող գրասենյակում Հայ-ադրբեջանական սահմանին իրադրության փոփոխություն չի արձանագրվել Ժնևում կհանդիպեն Հայաստանի և Ադրբեջանի արտաքին գործերի նախարարները Ինչպիսի եղանակ է սպասվում Հայաստանում ՀՀ Պաշտպանության նախարարությունը մինչև նոյեմբերի 22-ը կանցկացնի պլանային վարժական հավաքներ Դոլարի, եվրոյի և ռուբլու փոխարժեքը՝ փոխանակման կետերում Աշխարհը փլուզվում է. տարածաշրջանում չկա մի երկիր, որ այս ցնցումից հարվածի իր բաժինը չի ստանալու. Նիկոլ Փաշինյան Հայ-ադրբեջանական սահմանին իրադրության փոփոխություն չի արձանագրվել. ՀՀ ՊՆ Ոսկու և արծաթի գներն աճել են Հնդկաստանից բերվելիք «Պինակա» կայանները համապատասխանում են ռուսական «Ուրագան» համակարգին Հայաստանն ու Ադրբեջանն այսօր քննարկում են փոխկապակցված չորս օրակարգեր. ԱԽ քարտուղար Խաղաղությունը չի կարող պարտադրվել. Տոյվո Կլաարն անդրադարձել է ադրբեջանական վերջին սադրանքին Հայաստանում հիմնվել է խխունջաբուծության առաջին ֆերման Երևանի և 6 մարզերի մի շարք հասցեներում լույս չի լինի Ժամը 18:00-ից սկսած Ադրբեջանի ԶՈւ-ն ականանետերի կիրառմամբ կրակ է բացել հայկական դիրքերի ուղղությամբ․ ՊՆ Մոսկվայում ԱՄՆ դեսպանատունը կոչ է արել իր քաղաքացիներին անհապաղ լքել Ռուսաստանը Ինչպիսի եղանակ է սպասվում Հայաստանում Ուկրաինա ուղարկելու համար նախատեսված ԱՄՆ-ի և Եվրոպայի զենքի պաշարները սպառվում են Դոլարի, եվրոյի և ռուբլու փոխարժեքը՝ փոխանակման կետերում
Խմբագրի ընտրություն
website by Sargssyan