«Ռեալը» հետաքրքրված է Էռնանեսի ծառայություններով

«Լացիոյի» կիսապաշտպան Էռնանեսը գտնվում է Մադրիդի «Ռեալի» հետաքրքրությունների շրջանակներում: Մադրիդյան ակումբի ներկայացուցիչներն արդեն կապվել են 27-ամյա բրազիլացու գործակալ Ջոզեֆու Լիի հետ:

-Այո, մենք խոսեցինք: Տեսնենք, թե ինչ կլինի ապագայում,- ասել է գործակալը El Mundo Deportivo-ի հետ զրույցում: Ըստ տեղեկությունների’ մադրիդյան ակումբից զատ, Էռնանեսին ցանկանում են գնել նաև «Միլանն» ու «Յուվենտուսը»:

Ընդգծենք, որ այս գործակալը պաշտպանում է նաև «Ռեալի» կիսապաշտպան Կազեմիրոյի տրասնֆերային իրավունքները:

Ավելի վաղ հայտնվել էր տեղեկատվություն այն մասին, որ «Լացիոն» պատրաստ է Էռնանեսից բաժանվել 23 մլն. եվրոյի դիմաց: