ՆԱՏՕ-ն կողմերին կոչ է արել վերսկսել բանակցությունները

Հայտարարված հրադադարին պետք է հաջորդի երկխոսությունը, ՆԱՏՕ-ն կողմերին կոչ է անում վերսկսել բանակցությունները։ Այս մասին X սոցիալական ցանցի իր էջում գրել է ՆԱՏՕ-ի գլխավոր քարտուղարի քաղաքական հարցերով և անվտանգության քաղաքականության գծով օգնականի տեղակալ և Կովկասի ու Կենտրոնական Ասիայի հարցերով հատուկ ներկայացուցիչ Խավիեր Կոլոմինան:

Closely following the situation in #Azerbaijan. Announced ceasefire should be followed by dialogue to find a solution without the use of violence & avoid further degradation of humanitarian situation. #NATO urges sides to resume talks in order to achieve a comprehensive agreement

— Javier Colomina (@JavierColominaP) September 20, 2023

«Ուշադիր հետևում ենք Ադրբեջանում տիրող իրավիճակին (նկատի ունի Լեռնային Ղարաբաղում, դիտարկում են Ադրբեջան–խմբ.)։ Հայտարարված հրադադարին պետք է հաջորդի երկխոսություն՝ առանց բռնության կիրառման լուծում գտնելու և հումանիտար իրավիճակի հետագա դեգրադացիայից խուսափելու համար: ՆԱՏՕ-ն կողմերին կոչ է անում վերսկսել բանակցությունները՝ համապարփակ համաձայնության հասնելու նպատակով»,-գրել է Կոլոմինան։