Սահմանազատման նոր շեշտադրումներ. Կոբախիձեն անդրադարձել է Հայաստանին ու Ադրբեջանին

Վրաստանի վարչապետ Իրակլի Կոբախիձեն Imedi հեռուստաընկերության «Բաց երկնքի տակ» հաղորդման ընթացքում խոսել է տարածաշրջանային գործընթացների և հարևան պետությունների հետ հարաբերությունների մասին:

Վարչապետն ընդգծել է, որ Վրաստանը բարեկամական հարաբերություններ է պահպանում ինչպես Հայաստանի, այնպես էլ Ադրբեջանի հետ, իսկ սահմանազատման ու սահմանագծման աշխատանքները երկու ուղղություններով էլ անհրաժեշտ են և շարունակվելու են բարեկամական մթնոլորտում:

Անդրադառնալով Ադրբեջանական կողմում գտնվող Գարեջիի վանական համալիրի տարածքի սահմանազատմանը՝ Կոբախիձեն նշել է, որ խնդիրը ժառանգվել և վատթարացել է նախորդ իշխանության օրոք, քանի որ քարտեզները չեն կազմվել պատշաճ հաշվառմամբ:

Բացի այդ, Վրաստանի կառավարության ղեկավարը հայտնել է, որ TRIPP նախագիծը չի խանգարի ավանդաբար Վրաստանով անցնող տարանցիկ հաղորդակցության ուղիներին:

Հետևեք մեզ նաև Telegram-ում