2015 թվականն ընդամենը Հայոց ցեղասպանության հերթական տարելիցն է. Հ.Դեմոյան

«Մեդիա կենտրոնում» հրավիրված քննարկման ժամանակ Հայոց ցեղասպանության թանգարան-ինստիտուտի տնօրեն Հայկ Դեմոյանը ասաց. «2015 թվականին պետք է մեր ուժերը վերադասավորել, վերախմբավորել, համազգային հաշվառում անելու կարևոր հանգրվան պետք է լինի ու պետք է առաջ շարժվել: Այն սահմանագիծ չէ, այլ նոր հնարավորությունների, ճանապարհների, փնտրտուքի մեկնակետն է»:

Ըստ Դեմոյանի՝ 2015 թվականն ընդամենը տարելից է ու չպետք է տրամադրվել, որ շատ բան պետք է ավարտվի, եզրափակիչ ձևակերպումներ հնչեցվի:

Թուրքագետներ Անուշ Հովհաննիսյանի դիտարկմամբ, մեր միակ ձեռքբերումը այն է, որ այսօր համաշխարհային ակադեմիական շրջանակներում Հայոց ցեղասպանությունն ընդունված փաստ է:

ԵՊՀ արևելագիտության ֆակուլտետի փոխդեկան Ռուբեն Մելքոնյանն էլ  նշեց, որ հայաստանյան ակադեմիական շրջանակները լուրջ աշխատանք են տարել, ստեղծվել են արժեքավոր աշխատություններ, մենագրություններ. «Այդ առումով մեր գիտությունը բավական լուրջ աշխատանք է տարել»: Նրա խոսքով, ի տարբերություն հայ գիտնականների ստեղծած աշխատությունների, թուրքական աշխատությունները չեն կարող լինել մրցունակ, քանի որ նրանց խնդիրը բարդ է’ հերքել անհերքելին, ճշմարտությունը, այդ իսկ պատաճով նրանց աշխատանքերը լուրջ կասկածի են ենթարկվում:

Հետևեք մեզ նաև Telegram-ում