Արցախում արդեն երկու օր կորոնավիրուսով հիվանդացության նոր դեպքեր չեն գրանցվում

ԵՐԵՎԱՆ, 7 ՕԳՈՍՏՈՍԻ, Times.am: ԱՀ առողջապահության նախարարության տրամադրած տեղեկատվության համաձայն՝ Արցախում կորոնավիրուսային հիվանդության նոր դեպքեր չեն գրանցվել: Վարակի նոր դեպքեր չէին գրանցվել նաև երեկ։

Տեղեկատվական շտաբից հայտնում են, որ առայսօր, նոր կորոնավիրուսային հիվանդությունը հաստատվել է 248 մարդու մոտ, որից 201-ը հաղթահարել է հիվանդությունը:

Փաստացի բուժում է ստանում 46, ընդհանուր մեկուսացված է 88 քաղաքացի:

Թեստավորումների նպատակով 156 նմուշառում է իրականացվել: Մինչ այսօր իրականացվել է 6 682 փորձանմուշի հետազոտություն: