«Միլանի» կիսապաշտպան Քևին-Պրինս Բոատենգը չի մտածում նոր ակումբ տեղափոխվելու մասին:
Ըստ տեղեկությունների, նրա ծառայություններով լրջորեն հետաքրքրված է «Մանչեսթեր Սիթիի» գլխավոր մարզիչ Ռոբերտո Մանչինին, ով գանացուն համարում է հիանալի խաղընկեր Յայա Տուրեի համար: Հիշեցնենք’ Բոատենգը արդեն հանդես է եկել Պրեմիեր լիգայում’ պաշտպանելով «Պորտսմուտի» ու «Տոտենհեմի» գույները:
-Այս պահին ես երջանիկ եմ «Միլանում»: Այստեղ սկսվել է նոր թիմ կառուցվել, ու ես իսկապես ցանկանում եմ լինել այդ ծրագրի մի մասը:
Ճիշտ է, վերջնական որոշումը կայացնում է ակումբի ղեկավարությունը, այնպես որ, տեսնենք, թե ինչ տեղի կունենա ապագայում,- ասել է Բոատենգը:
Այս մրցաշրջանում ֆուտբոլիստը «ռոսսոներիի» կազմում մասնակցել է 32 հանդիպման:
