Պրեմիեր լիգայի 34-րդ տուրում «Մանչեսթեր Սիթին» հյուրընկալվելիս 3:1 հաշվով պարտություն կրեց «Տոտենհեմից»:
Հանդիպման հաշիվը 5-րդ րոպեին բացեց Սամիր Նասրին, սակայն երկրորդ խաղակեսում դաշտի տերերը 75-82-րդ րոպեների ընթացքում 3 գնդակ խփեցին և հաղթանակ տոնեցին: Գոլերը հեղինակեցին Դեմփսին, Դեֆոն և Բեյլը:
Այս խաղից հետո «քաղաքայինները» 68 միավորով մնացին երկրորդ հորիզոնականում, իսկ «Տոտենհեմը» 61 միավորով հավասարվեց 4-րդ հորիզոնականում ընթացող «Չելսիին»:
