«Բավարիայի» սպորտային տնօրեն Մաթիաս Զամմերը կարծում է, որ իր թիմը Չեմպիոնների լիգայի խաղարկության «Բարսելոնայի» հետ մրցավեճում չպետք է հարմարվի մրցակցի խաղին, հաղորդում է գերմանական մամուլը; Հիշեցնենք’ առաջին հանդիպումը կայանալու է Մյունխենում:
-Վերջին տարիներին «Բարսելոնան» ֆանտաստիկ թիմ է, որը հասել է ֆուտբոլային գագաթին: Եվ այժմ այն չի փոխվել: Սակայն «Բավարիան» նույնպես առաջադիմել է’ բարելավելով իր խաղը: Ու մենք ցանկանում ենք ցույց տալ մեր մակարդակը: Կատալոնացիների հետ խաղում մենք չենք կարող միայն պաշտպանվել, քանի որ այդպիսի խաղով հաջողության չենք հասնի,- ասել է Զամմերը:
