Չավի. «Բավարիան» այս պահին մեզանից լավ է խաղում
22/04/2013 22:08
Նմանատիպ
Չեմպիոնների լիգայի կիսաեզրափակիչ փուլի «Բավարիա»-«Բարսելոնա» խաղից առաջ կայացած մամուլի ասուլիսի ժամանակ իր սպասելիքներից է խոսել Չավին:
-Ես կարծում եմ, որ հաղթելու հնարավորությունները 50-50 են: «Բավարիան» հիանալի ակումբ է, որը հաղթել է առաջնությունում և դուրս է եկել գավաթի խաղարկության եզրափակիչ: Այս պահին «Բավարիան», կարծես, մեզանից լավ է խաղում, սակայն մենք կփորձենք ցուցադրել սեփական ֆուտբոլը: Նրանք էլ կփորձեն թելադրել իրենց խաղը, որը շատ նման է մեր խաղին. տեսնենք` ինչ դուրս կգա դրանից:
Կարևոր է հյուրընկալվելիս գոլ խփել, չէ՞ որ մրցակցի դաշտում խփած գնդակները կրկնակի արժեք ունեն: Եթե մենք ցանկանում ենք խաղալ եզրափակչում, ապա գոլ խփելը շատ կարևոր է,-ֆուտբոլիստի խոսքերը մեջբերել է ՈւԵՖԱ-ի պաշտոնական կայքը:
Հետևեք մեզ նաև Telegram-ում