Ալվես. Որոշները ցանկանում են` ես հեռանամ «Բարսելոնայից»

«Բարսելոնայի» պաշտպան Դանիել Ալվեսը իսպանական ԶԼՄ-ների հետ զրույցում նշել է, որ որոշները չեն ցանկանում իրեն տեսնել ակումբում: Հիշեցնենք’ ԶԼՄ-ները ավելի վաղ տեղեկացնում էին, որ կատալոնական ակումբը ցանկանում է վաճառել բրազիլացուն, սակայն թիմի գլխավոր մարզիչ Տիտո Վիլանովան ասել է խաղացողին, որ նրա հետ հույսեր է կապում:

-Կան որոշ մարդիկ, ովքեր ցանկանում են’ ես հեռանամ «Բարսելոնայից»: Ովքեր են նրանք’ ես չգիտեմ: Ես չէի կարող հանդուրժել դա ու ստիպված եմ արձագանքել: Առանց կրակի ծուխ չի լինում, ու եթե թերթերը այդքան գրում են այդ մասին, ապա նշանակում է’ ինչ-որ բան կա: Ինչ վերաբերում է պատճառներին, ապա ես կարծում եմ, որ դա պայմանավորված է իմ իրական խաղային մակարդակից ավելի ցածր ելույթներ ունենալով,- ասել է Ալվեսը: