«Լիվերպուլը» Հենրիխ Մխիթարյանի համար պատրաստ է վճարել 20 մլն. ֆունտ
23/04/2013 17:58
Նմանատիպ
«Լիվերպուլը» նոր առաջարկով է ներկայացել «Շախտյորի» կիսապաշտպան Հենրիխ Մխիթարյանի տրանսֆերի համար: Նրանք պատրաստ են ավելի մեծ գումար առաջարկել Հայաստանի հավաքականի ֆուտբոլիստի համար:
Ըստ Terrikon.com-ի տեղեկությունների’ մերսիսայդյան ակումբը պատրաստ է իր բյուջեից 20 մլն. ֆունտ (23 մլն. եվրո) հատկացնել Մխիթարյանի տրանսֆերի համար: Մոտ մեկ ամիս առաջ տարածվել էր տեղեկատվություն, որ անգլիական ակումբը «Շախտյորին» առաջարկել է 12 մլն. ֆունտ:
Հիշեցնենք’ նախկինում տեղեկացվել էր այն մասին, որ ուկրաինական ակումբը հայ ֆուտբոլիստին բաց կթողնի միայն 30-40 մլն. եվրոյի դիմաց: Անձամբ Մխիթարյանը դեմ չէ իր ուժերը փորձել ավելի բարձրակարգ ակումբում:
Հետևեք մեզ նաև Telegram-ում