Դորտմունդի «Բորուսիայի» գլխավոր մարզիչ Յուրգեն Կլոպը մեկնաբանել է այն փաստը, որ թիմի կիսապաշտպան Մարիո Գյոթցեն նոր մրցաշրջանից պաշտպանելու է Մյունխենի «Բավարիայի» գույները:
-Ժամանակը չի բուժում, բայց այն կօգնի մեզ: Վստահ եմ’ Մյունխենգլադբախի «Բորուսիան» նույնպես ուրախ չէր, երբ մենք Ռոյսի համար վճարեցինք նրա պայմանագրում նշված հրաժարագինը: Գյոթցեի հեռանալու մասին ես իմացել եմ «Մալագայի» նկատմամբ հաղթական խաղի հաջորդ օրը: Այդ պատճառով էլ ես ընդամենը մեկ օր ունեցա հաղթանակով ուրախանալու համար:
«Ռեալի» հետ խաղից առաջ այդ տրանսֆերը ոչինչ չի փոխում: Նրանց մոտ, ովքեր փորձում են ապակայունացնել թիմը, ոչինչ չի ստացվի,- ասել է Կլոպը:
