CNN հեռուստաընկերության լրագրող Տանկրեդի Պալմերին տեղեկացրել է, որ չորեքշաբթի Մադրիդի «Ռեալի» գլխավոր մարզիչ Ժոզե Մոուրինյոն բանակցություններ է վարել «Չելսիի» սեփականատեր Ռոման Աբրամովիչի հետ:
Պորտուգալացի մասնագետը թիմը գլխավորելու համար մի քանի պայմաններ է առաջ քաշել: Դրանցից մեկը’ «Ատլետիկոյի» հարձակվող Ռադամել Ֆալկաոյին ձեռք բերելն է: Այդ խնդրանքին ռուս միլիարդատերը պատասխանել է, որ ակումբը մոտ է կոլումբիացուն գնելուն: Այն, ամենայն հավանականությամբ, կարժենա 46 մլն. ֆունտ:
Պետք է ընդգծել, որ «Ռեալի» 15 ֆուտբոլիստներ կողմ են նրան, որ պորտուգալացին հեռանա Մադրիդից: Եթե դա տեղի ունենա, ապա թիմը կգլխավորի Կառլո Անչելոտին, ով ներկայումս աշխատում է «ՊՍԺ»-ում:
