«Արարատ-Արմենիա»-ին Բագրատաշենի մաքսատանը դիմավորել են աղ ու հացով
15/08/2019 13:00
Նմանատիպ
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Երևանի «Արարատ-Արմենիա» ֆուտբոլային ակումբին Բագրատաշենի մաքսակետում դիմավորել են աղ ու հացով:
«Արմենպրես»-ի հաղորդմամբ` Եվրոպայի լիգայի որակավորման երրորդ փուլի վրացական «Սաբուրթալո»-ի դեմ տարած հրաշալի հաղթանակից հետո, երբ ֆուտբոլիստները և մարզչական շտաբը վերադարձել են տուն, Հայաստանի սահմանին նրանց մեծ ոգևորությամբ են դիմավորել սահմանապահները:
Ֆուտբոլի Եվրոպայի լիգայի որակավորման երրորդ փուլում Հայաստանի չեմպիոն «Արարատ-Արմենիա»-ն պատասխան խաղում, հյուրընկալվելով վրացական «Սաբուրթալո»-ին, հաղթեց 2։0 հաշվով (առաջին խաղում «Արարատ-Արմենիա»-ին պարտվել էր 1:2 հաշվով) և դուրս եկավ փլեյ-օֆֆ: