Ֆրանսիայում պնդում են` Անչելոտին մոտ է «Ռեալը» գլխավորելուն

Մադրիդի «Ռեալը» հաջորդ մրցաշրջանում, ամենայն հավանականությամբ, կգլխավորի «ՊՍԺ»-ի գլխավոր մարզիչ Կառլո Անչելոտին, հաղորդում են ֆրանսիական ԶԼՄ-ները:

Ըստ աղբյուրի տեղեկությունների’ իտալացի մասնագետը «Արքայական» ակումբում մեծ հարգանք ու հեղինակություն ունի: Մադրիդցիների ներկայացուցիչներից մեկը արդեն կապվել է փարիզյան ակումբի ղեկավարների հետ’ քննարկելով Անչելոտիի պայմանագրի մի քանի նրբություններ:

Հիշեցնենք’ ավելի վաղ տեղեկացվում էր, որ «Ռեալի» ներկայիս գլխավոր մարզիչ Ժոզե Մոուրինյոն պատրաստվում է գլխավորել «Չելսին»’ իր հետ Լոնդոն տանելով նաև «Ատլետիկոյի» հարձակվող Ռադամել Ֆալկաոյին: Իսպանական ԶԼՄ-ներն իրենց հերթին հաստատում են, որ «սերուցքայինների» նախագահ Ֆլորենտինո Պերեսը կողմ է Անչելոտիի նշանակմանը: