«Բարսելոնան» ամռանը ընկերական խաղ կանցկացնի «Վոլերենգայի» հետ

«Բարսելոնան» համաձայնություն է ձեռք բերել 2013/14 թթ.մրցաշրջանին նախապատրաստվելու շրջանակներում նորվեգական «Վոլերենգայի» հետ ընկերական հանդիպում անցկացնելու շուրջ:

Խաղը տեղի կունենա հուլիսի 27-ին, Օսլոյում, հաղորդում է կատալոնական ակումբի պաշտոնական կայքը:

Ընդգծենք, որ հանդիպումը նվիրված կլինի նորվեգական այս ակումբի հիմնադրման 100-ամյակին:

Ավելի վաղ հայտնի էր դարձել, որ «Բարսելոնան» օգոստոսին Ասիայում կայանալիք շրջագայության ընթացքում երեք ընկերական հանդիպում կանցկացնի, որոնք տեղի կունենան Չինաստանում, Թայլանդում ու Մալայզիայում: