Ռոջերս. Կհասկանամ Սուարեսին, եթե նա որոշի հեռանալ Անգլիայից
26/04/2013 15:45
Նմանատիպ
«Լիվերպուլի» գլխավոր մարզիչ Բրենդան Ռոջերսը խոսել է հարձակվող Լուիս Սուարեսի հերթական որակազրկումից, որը նա ստացել է «Չելսիի» հետ հանդիպման ժամանակ մրցակցի պաշտպան Բրանիսլավ Իվանովիչի ձեռքը կծելու համար:
-Եթե Սուարեսը որոշի, որ պետք է հեռանալ «Լիվերպուլից», ես նրան կհասկանամ 100 տոկոսով: Ես ամեն օր տեսնում եմ նրան ու կարող եմ ասել, որ Լուիսը շատ նվիրված է աշխատում: Նա մարդ է, որի կյանքում կան երկու շատ կարևոր արժեքներ’ ընտանիքն ու «Լիվերպուլը»: Նրա վարքագիծը իր մի մասն է, որի հետ ոչինչ անել չի կարող:
Սակայն Լուիսը իսկապես փորձում է մաքսիմալ կերպով հարմարվել այն պայմաններին, որոնք այս առումով կան Անգլիայում: Ճիշտ է, ամեն անգամ, երբ Սուարեսը առաջ քայլ է կատարում, Անգլիայում նրան քննադատելու պատճառ, միևնույն է, գտնում են,- ասել է Ռոջերսը:
Հետևեք մեզ նաև Telegram-ում