Արթուր Սարկիսով. Համոզված եմ` Յուրա Մովսիսյանը կդառնա իր թիմի լավագույն ռմբարկուն

«Վոլգայի» հարձակվող Արթուր Սարկիսովը հարցազրույց է տվել sportbox.ru-ին: Ներկայացնում ենք հարցազրույցի այն հատվածը, որում Սարկիսովն անդրադարձել է Հայաստանի ազգային հավաքականին:

-Հարձակման գծում Դուք մրցում եք «Շախտյորի» գլխավոր ռմբարկու Հենրիխ Մխիթարյանի և Ռուսաստանի առաջնության լավագույն «սնայպեր» Յուրա Մովսիսյանի հետ: Ձեր դերը մոտակա հերթափո՞խն:

-Հավաքականում բոլոր խաղացողներն էլ հավասար են’ անկախ նրանից, թե որտեղ են խաղում: Մենք բոլորս մեզ համարում ենք հիմնական կազմի խաղացող’ միավորված մեծ նպատակի շուրջ: Իսկ մրցակցությունը միշտ էլ լավ է: Նշեմ, որ ներկայումս հարձակման գիծը, հավանաբար հավաքականի ուժեղագույն օղակն է:

-Ինչպե՞ս եք գնահատում Հայաստանի հավաքականի ելույթները 2014թ. աշխարհի առաջնության ընտրական փուլում:

-Մեր առջև խնդիր էր դրված հայտնվել աշխարհի առաջնության եզրափակիչ փուլում: Մենք ակնկալում էինք, որ այս պահին պետք է ունենային առնվազն 2 անգամ շատ միավոր: Բայց չպետք է մեղադրենք մրցավարին կամ ճակատագրին’ պարտվել ենք գործով: Թեև երկրորդ տեղի համար պայքարը ավարտված չէ: հնարավորություն ունի (Իտալիան դժվար թե նահանջի առաջին հորիզոնականից): 4 հավաքականներից յուրաքանչյուրը հաջորդ փուլ դուրս գալու: Իմ կարծիքով` այս բոլոր թիմերը նույն մակարդակի վրա են:

-Մեկ ամիս առաջ Հայաստանի հավաքականը 0:3 հաշվով զիջեց Չեխիային: Մրցաշաում ամեն ինչ փոխելու հնարավորություն կար:

-Ցավոք, մի քանի կարևոր խաղացողներ դեղին քարտերի պատճառով բաց թողեցին այդ հանդիպումը: Խաղի ընթացքից զգացվում էր, որ թիմն ավելորդ լարվում է: Ամեն դեպքում, առաջին խաղակեսում վատ հանդես չեկան, մի քանի անգամ Պետեր Չեխը փրկեց: Խաղը կարող էր այլ ընթացք ունենալ:

-Ո՞րն է Ձեր ամենահիշարժան գոլը:

-Բոլոր գոլերն էլ ինձ համար կարևոր են: Բացի այդ ես դրանք բոլորն էլ հիշում եմ: Օրինակ` Մալթայի, Մակեդոնիայի և Սլովակիայի դարպասները խփած գոլերը:

-Հավաքականում Ձեր թիմակից Յուրա Մովսիսյանի տեղափոխությունը «Սպարտակ» դարձավ ամենաաղմկահարույց տրանսֆերներից մեկը: Ի՞նչ եք կարծում` Յուրան գտավ իր թիմը:

-Յուրան մեծ մարդ է և իսկական պրոֆեսիոնալ: Եթե նա որոշում է կայացրել, ուրեմն այդպես էլ պետք էր: «Սպարտակը» մեկ քայլ առաջ է: Համոզված եմ` Մովսիսյանն առաջվա պես շատ գոլեր կխփի և կդառնա իր թիմի, գուցե նաև առաջնության, լավագույն ռմբարկուն: