«Ռեալը» շատ մոտ էր հրաշք գործելուն, բայց եզրափակչում «Բորուսսիան» է (տեսանյութ)

Չեմպիոնների լիգայի 2012/13 մրցաշրջանի եզրափակչի առաջին մասնակցի անունն արդեն հայտնի է: 

Դորտմունդի «Բորուսսիան», սեփական հարկի տակ 4:1 հաշվով առավելության հասնելով Մադրիդի «Ռեալի» նկատմամբ, «Սանտյագո Բեռնաբեուում» գերծանր հանդիպում անցկացրեց:

Թեպետ հանդիպման մեկնարկային րոպեներից «Ռեալի» ֆուտբոլիստները սուր գրոհներ էին, առաջին խաղակեսում գոլեր չեղան. անհաջող էին և՛ Իգուայինի, և՛ Օզիլի, և՛ Ռոնալդուի հարվածները:

Երկրորդ խաղակեսի մինչև 82-րդ րոպեն հաշիվը 0:0 էր, և միայն փոխարինման դուրս եկած Կարիմ Բենզեմայի գոլի շնորհիվ մադրիդցիները վերսկսեցին ոգևորությամբ առաջ նետվել: 88-րդ րոպեին «Ռեալի» ճնշումը տվեց իր արդյունքը, և հաշիվը կրկնապատկեց Սերխիո Ռամոսը: Ավելին անել չհաջողվեց, և «Բորուսսիան» եզրափակչում է: